കണ്ണൂർ: പ്രവാസിവ്യവസായി ആത്മഹത്യ ചെയ്ത സംഭവത്തിൽ ആന്തൂർ നഗരസഭാ അദ്ധ്യക്ഷ പി.കെ.ശ്യാമളയ്ക്കെതിരെ സി.പി.എം നേതാവ് പി.ജയരാജന്റെ വിമർശനം.

കെട്ടിടനിർമ്മാണവുമായി ബന്ധപ്പെട്ടുള്ള കാര്യങ്ങളിൽ ഉദ്യോഗസ്ഥർക്കാണ് പൂർണഅധികാരം. ജനപ്രതിനിധികൾക്ക് ഇക്കാര്യത്തിൽ ഒരു ഇടപെടലും നടത്താനാകില്ല. എന്നാൽ ഉദ്യോഗസ്ഥർ പറയുന്നത് കേട്ട് നടക്കുകയല്ല ജനപ്രതിനിധികൾ ചെയ്യേണ്ടതെന്നും ജയരാജൻ പറഞ്ഞു ആന്തൂർ നഗരസഭാദ്ധ്യക്ഷ പി.കെ. ശ്യാമള വേദിയിലിരിക്കെയായിരുന്നു ജയരാജന്റെ വിമർശനം. ധർമ്മശാലയിൽ സി.പി.എം. സംഘടിപ്പിച്ച വിശദീകരണയോഗത്തിലായിരുന്നു ജയരാജന്റെ വിമർശനം. പാറയിൽ സാജന്റെ ഭാര്യ ബീനയുടെ പരാതിയിൽ നടപടി സ്വീകരിക്കുമെന്നും ജയരാജൻ പറഞ്ഞു.

ആന്തൂരിലെ പ്രവാസിവ്യവസായി പാറയിൽ സാജൻ ആത്മഹത്യ ചെയ്ത സംഭവത്തിൽ സി.പി.എമ്മിനെതിരേ രൂക്ഷവിമർശനുമയർന്ന സാഹചര്യത്തിലാണ് സി.പി.എം വിശദീകരണയോഗം സംഘടിപ്പിച്ചത്.