എസ്.എ.ടി ആശുപത്രിയിൽ സെക്യൂരിറ്റി സ്റ്റാഫ്
തിരുവനന്തപുരം എസ്.എ.ടി ആശുപത്രിയിൽ സെക്യൂരിറ്റി സ്റ്റാഫുകളെ നിയമിക്കുന്നു. 2019 ഫെബ്രുവരി ഒന്നിന് 58 വയസ്സ് പൂർത്തിയാകാത്ത വിമുക്തഭടൻമാർക്കും പൊലീസിൽ നിന്നോ മറ്റ് സായുധ സേനയിൽ നിന്നോ വിരമിച്ചവർക്കും അപേക്ഷിക്കാവുന്നതാണ്. പത്താം ക്ലാസ് പാസായിക്കണം. ഇവരുടെ അഭാവത്തിൽ 2019 ഫെബ്രുവരി ഒന്നിന് 40 വയസ്സിനു മുകളിൽ പ്രായമുളളവരും പത്താം ക്ലാസ്സ് പാസ്സായിട്ടുളളവരും ഏതെങ്കിലും സ്ഥാപനത്തിൽ ഒരു വർഷത്തിൽ കുറയാത്ത സെക്യൂരിറ്റി പ്രവൃത്തിപരിചയമുളളവരെയും പരിഗണിക്കും. തിരുവനന്തപുരം ജില്ലയിലുളളവർ ആയിരിക്കണം മെഡിക്കൽ കോളേജിന് ഏട്ട് കിലോമീറ്റർ ചുറ്റളവിലുളളവർക്ക് മുൻഗണന. യോഗ്യത, പ്രവൃത്തി പരിചയം, വയസ്സ് എന്നിവ തെളിയിക്കുന്ന സർട്ടിഫിക്കറ്റുകളും, തിരിച്ചറിയൽ രേഖയും (പകർപ്പുകൾ വേണം) ഒരു പാസ്സ്പോർട്ട് സൈസ് ഫോട്ടോയും സഹിതം ജൂലായ് അഞ്ചിന് രാവിലെ 10 മണിക്ക് തിരുവനന്തപുരം എസ്.എ.ടി ആശുപത്രി സൂപ്രണ്ടിന്റെ കാര്യാലയത്തിൽ നടക്കുന്ന വാക്ക് ഇൻ-ഇന്റർവ്യൂവിന് എത്തണം.
നാഷണൽ ബൊട്ടാണിക്കൽ റിസർച്ച് ഇൻസ്റ്റിറ്റ്യൂട്ടിൽ
കൗൺസിൽ ഒഫ് സയന്റിഫിക് ആൻഡ് ഇൻഡസ്ട്രിയൽ റിസർച്ചിന്റെ നാഷണൽ ബൊട്ടാണിക്കൽ റിസർച്ച് ഇൻസ്റ്റിറ്റ്യൂട്ടിൽ പ്രിൻസിപ്പൽ സയന്റിസ്റ്റ്/ സീനിയർ പ്രിൻസിപ്പൽ സയന്റിസ്റ്റ് 10 ഒഴിവുണ്ട്. പ്രിൻസിപ്പൽ സയന്റിസ്റ്റ് ഉയർന്ന പ്രായം 45, സീനിയർ പ്രിൻസിപൽ സയന്റീസ്റ്റ് 50, സയന്റിസ്റ്റ്/സീനിയർ സയന്റിസ്റ്റ് രണ്ടൊഴിവ്. ഉയർന്ന പ്രായം സയന്റിസ്റ്റ് 32, സീനിയർ സയന്റിസ്റ്റ് 37. യോഗ്യത ബന്ധപ്പെട്ട സയൻസ് വിഷയത്തിൽ പിഎച്ച്ഡി. വിശദവിവരവും അപേക്ഷാഫോറത്തിന്റെ മാതൃകയും www.nbri.res.in ൽ ലഭിക്കും. അപേക്ഷ പൂരിപ്പിച്ച് നൂറു രൂപയുടെ ഡിഡി അനുബന്ധ രേഖകളുടെ സ്വയം സാക്ഷ്യപ്പെടുത്തിയ പകർപ്പ് സഹിതം Controller of Administration , CSIRNBRI, Rana Pratap Marg, Lucknow226001 എന്ന വിലാസത്തിൽ സ്പീഡ് പോസ്റ്റായി ജൂലായ് 31ന് വൈകിട്ട് ആറിനകം ലഭിക്കണം.
ഹിന്ദുസ്ഥാൻ എയ്റോനോട്ടിക്സ് ലിമിറ്റഡിൽ
ഹിന്ദുസ്ഥാൻ എയ്റോനോട്ടിക്സ് ലിമിറ്റഡിൽ മെഡിക്കൽ സൂപ്രണ്ടന്റ്( ജനറൽ മെഡിസിൻ) 1, പതോളജി 1, ഒാർത്തോപീഡിക്സ് 1, ജനറൽ ഡ്യൂട്ടി മെഡിക്കൽ ഓഫീസർ 10 എന്നിങ്ങനെ ഒഴിവുണ്ട്. അപേക്ഷ സ്വീകരിക്കുന്ന അവസാന തീയതി ജൂലായ് 10. വിശദവിവരത്തിന് www.halindia.co.in
ആംഡ്ഫോഴ്സസ് മെഡിക്കൽ സർവീസിൽ
ആംഡ്ഫോഴ്സസ് മെഡിക്കൽ സർവീസിൽ കമീഷൻഡ് ഓഫീസർ തസ്തികയിലെ 150 (പുരുഷ 135, സ്ത്രീ 15) ഒഴിവിലേക്ക് അപേക്ഷ ക്ഷണിച്ചു. സ്ത്രീകൾക്കും പുരുഷന്മാർക്കും അപേക്ഷിക്കാം. യോഗ്യത എംബിബിഎസ്. മെഡിക്കൽ കൗൺസിലിൽ രജിസ്റ്റർ ചെയ്യണം. ബിരുദാനന്തരബിരുദം/ഡിപ്ലോമ യുള്ളവർക്കും അപേക്ഷിക്കാം.2019 ഡിസംബർ 31ന് 45 വയസ്സ് പൂർത്തിയാകരുത്. ഡൽഹിയിലാണ് ഇന്റർവ്യു. www.amcsscentry.gov.in വഴി ഓൺലൈനായി അപേക്ഷിക്കാനുള്ള അവസാന തീയതി ജൂലായ് 21.
ഹിന്ദുസ്ഥാൻ പെട്രോളിയം കോർപറേഷൻ ലിമിറ്റഡിൽ
ഹിന്ദുസ്ഥാൻ പെട്രോളിയം കോർപറേഷൻ ലിമിറ്റഡിൽ പെട്രോകെമിക്കൽസ് പ്രൊഫഷണലുകളുടെ ഒഴിവുണ്ട്. ഹെഡ് സെയിൽസ് 1, ഹെഡ് ടെക്നിക്കൽ സർവീസസ് 1 , അസി. മാനേജർ/ മാനേജർ സെയിൽസ് 4 എന്നിങ്ങനെയാണ് ഒഴിവ്. എല്ലാ തസ്തികകളിലും യോഗ്യത ബിഇ/ബിടെക്. ഹെഡ് സെയിൽസ് ഉയർന്ന പ്രായം 50, ഹെഡ് ടെക്നിക്കൽ സർവീസ് ഉയർന്ന പ്രായം 40, അസി. മാനേജർ/ മാനേജർ ഉയർന്ന പ്രായം 32. https://hindustanpetroleum.com വഴി ഓൺലൈനായി അപേക്ഷിക്കാനുള്ള അവസാന തീയതി ജൂലായ് ഒന്ന്.
ഭാഭ അറ്റോമിക് റിസർച്ച് സെന്ററിൽ
ഭാഭ അറ്റോമിക് റിസർച്ച് സെന്ററിൽ ജൂനിയർ റിസർച്ച് ഫെലോഷിപ്പിന് അപേക്ഷക്ഷണിച്ചു. 25 ഒഴിവുണ്ട്. യോഗ്യത: എംഎസ്സി/ ഇന്റഗ്രേറ്റഡ് എംഎസ്സി ( ഫിസിക്സ് / കെമിസ്ട്രി / ലൈഫ്സയൻസ് ), യുജിസി / സിഎസ്ഐആർ / നെറ്റ് ഫെലോഷിപ്പ് , 90 ശതമാനത്തിൽ കൂടുതൽ ജെഇഎസ്ടി സ്കോർ , ഐസിഎംആർ - ജെആർഎഫ് / ഐസിഎആർ - ജെആർഎഫ് , ഡിബിടി - ജെആർബി ബയോടെക്നോളജി . www.barc.gov.in വഴി ഓൺലൈനായി അപേക്ഷിക്കാനുള്ള അവസാന തീയതി ജൂലായ് 12.
റീജണൽ സെന്റർ ഫോർ ബയോടെക്നോളജി
ഫരീദാബാദ് റീജണൽ സെന്റർ ഫോർ ബയോടെക്നോളജിയിൽ ബിസിനസ് ഡവലപ്മെന്റ് മാനേജർ 1, കൺട്രോളർ ഓഫ് അഡ്മിനിസ്ട്രേഡൻ 1, ഫിനാനസ് ഓഫീസർ 1, ഇൻസ്ട്രുമെന്റേഷൻ എൻജിനിയറർ 1, സീനിയർ ടെക്നിക്കൽ ഓഫീസർ 2, അസി. എൻജിനിയർ 1, ഡോക്യുമെന്റേഷൻ അസി. 1, ടെക്നിക്കൽ അസി. 1, മാനേജ്മെന്റ് അസി. 1 എന്നിങ്ങനെ ഒഴിവുണ്ട്. ഓരോ തസ്തികക്കും ആവശ്യമായ യോഗ്യത, പ്രായം എന്നിവ വിശദവമായി വെബ്സൈറ്റിൽ. https://www.rcb.res.in വഴി ഓൺലൈനായി അപേക്ഷിക്കാനുള്ള അവസാന തീയതി ജൂലായ് 15.
എം.ആർ.പി.എല്ലിൽ എൻജിനിയർ, ലബോറട്ടറി സൂപ്പർവൈസർ
മംഗളൂരു റിഫൈനറി ആൻഡ് പ്രെട്രോ കെമിക്കൽസ് ലിമിറ്റഡിൽ മാനേജ്മെന്റ് കേഡറിൽ എ ഗ്രേഡ് തസ്തികയിൽ ഒഴിവുണ്ട്. എൻജിനിയർ 26, ലബോറട്ടറി സൂപ്പർവൈസർ 10 എന്നിങ്ങനെയാണ് ഒഴിവ്. ഗേറ്റ് 2019 സ്കോറിന്റെ അടിസ്ഥാനത്തിലാണ് തെരഞ്ഞെടുപ്പ്. ഗ്രൂപ്പ് ഡിസ്കഷൻ, ഇന്റർവ്യു എന്നിവയുണ്ടാകും. കെമിക്കൽ, മെക്കാനിക്കൽ,ഇലക്ട്രിക്കൽ, ഇൻസ്ട്രുമെന്റേഷൻ, സിവിൽ, ഇൻഫർമേഷൻ സിസ്റ്റം വിഭാഗങ്ങളിലാണ് എൻജിനിയർ ഒഴിവ്. www.mrpl.co.in വഴി ഓൺലൈനായി അപേക്ഷിക്കാനുള്ള അവസാന തീയതി ജൂലായ് നാല്.
കോക്കനട്ട് ഡെവലപ്മെന്റ് ബോർഡിൽ
കോക്കനട്ട് ഡെവലപ്മെന്റ് ബോർഡിൽ റിസോഴ്സ് പേഴ്സണിനെ നിയമിക്കും. തെങ്ങ് കൃഷിക്കാർക്ക് പരിശീലനം നൽകുകയാണ് ജോലി. വിരമിച്ചവർക്കും അപേക്ഷിക്കാം. യോഗ്യത ബിഎസ്സി അഗ്രി/ഹോൾട്ടി ടി/നാച്യുറൽ സയൻസ്. കൃഷിയിൽ അറിവും പ്രായോഗിക പരിചയവും വേണം. പ്രാദേശിക ഭാഷ അറിയണം. ആശയവിനമയശേഷി വേണം. പ്രായം 30‐64. 2019 ജൂൺ 30 നെ അടിസ്ഥാനമാക്കിയാണ് പ്രായം കണക്കാക്കുന്നത്. വിശദവിവരത്തിന് www.coconutboard.gov.in
കേരള ഫിനാൻഷ്യൽ കോർപറേഷനിൽ
കേരള ഫിനാൻഷ്യൽ കോർപറേഷനിൽ വിവിധ തസ്തികകളിൽ 10 ഒഴിവുണ്ട്. കരാർ നിയമനമാണ്. ക്രെഡിറ്റ് അഡ്വൈസർ 1, ക്രെഡിറ്റ് ഓഫീസർ 4, മാർക്കറ്റിങ് എക്സിക്യൂട്ടീവ് 3, സർവീസ് എൻജിനിയർ 1, സിസ്റ്റം അനലിസ്റ്റ് 1 എന്നിങ്ങനെ ഒഴിവുണ്ട്. വിശദവിവരവും അപേക്ഷാഫോറവും www.kfc.org എന്ന വെബ്സൈറ്റിൽ ലഭിക്കും. അപേക്ഷിക്കാനുള്ള അവസാന തീയതി ജൂൺ 29.
കേരള സ്റ്റാർട്ടപ് മിഷനിൽ
കേരള സ്റ്റാർട്ടപ് മിഷനിൽ ഇലക്ട്രിക്കൽ എൻജിനീയർ, ജൂനിയർ എൻജിനീയർ സിവിൽ, അസിസ്റ്റന്റ് മാനേജർ, ടെക്നിക്കൽ ഓഫീസർ, അസിസ്റ്റന്റ് എച്ച് ആർ, പ്രോജക്ട് കോഡിനേറ്റർ എന്നീ ഒഴിവുകളിലേക്ക് അപേക്ഷ ക്ഷണിച്ചു. ഒരു വർഷത്തെ കരാർ നിയമനമാണ്. താല്പര്യമുള്ള ഉദ്യോഗാർത്ഥികൾ ഓൺലൈനായി അപേക്ഷ സമർപ്പിക്കണം. അപേക്ഷ സ്വീകരിക്കുന്ന അവസാനതീയതി ജൂൺ 30. വിശദവിവരങ്ങൾക്കും അപേക്ഷിക്കുന്നതിനും https://startupmission.kerala.gov.in/career#ksum എന്ന വെബ്സൈറ്റ് സന്ദർശിക്കുക.
അസാംം നാഷണൽ ലാഏ യൂണിവേഴ്സിറ്റി
അസാം നാഷണൽ ലോ യൂണിവേഴ്സിറ്റി ആൻഡ് ജുഡീഷ്യൽ അക്കാഡമിയിൽ പ്രൊഫസർ ഓഫ് ലോ 3, അസോസിയറ്റ് പ്രൊഫസർ ഓഫ് ലോ 3, അസി. പ്രൊഫസർ ഓഫ് ലോ 1 എന്നിങ്ങനെ ഒഴിവുണ്ട്. അപേക്ഷാഫോറം ലഭിക്കാൻ Registrar, National Law University and Judicial Academy, Assam Hajo Road, Amingaon P O, Amingaon(Dist),Kamrup(Rural), Guwahati 781031 . അവസാന തീയതി ജൂലായ് 2.
ഇന്ത്യൻ ബാങ്ക്സ് അസോസിയേഷൻ
ഇന്ത്യൻ ബാങ്ക് സ് അസോസിയേഷൻ മാനേജർ തസ്തികയിൽ അപേക്ഷക്ഷണിച്ചു. ആറ് ഒഴിവുണ്ട്. യോഗ്യത ബിരുദം/ബിരുദാനന്തര ബിരുദം. പ്രായം 35. പൊതുമേഖല/സ്വകാര്യ/ വിദേശ ബാങ്കുകളിലൊ ധനകാര്യസ്ഥാപനങ്ങളിലൊ ഗ്രേഡ് ഒന്ന്, രണ്ട് തസ്തികയിൽ ജോലിചെയ്യുന്നവരോ വിരമിച്ചവരോ ആകണം. അഞ്ച് വർഷത്തെ പരിചയം വേണം. മുംബൈയിലാണ് ഒഴിവ്. ഓൺലൈൻ പരീക്ഷയിലൂടെയാണ് തെരഞ്ഞെടുപ്പ്. ഓൺലൈനായി അപേക്ഷിച്ചതിന്റെ പ്രിന്റ് എടുക്കണം .https://www.iba.org.in വഴി ഓൺലൈനായി അപേക്ഷിക്കേണ്ട അവസാന തീയതി ജൂലായ് മൂന്ന്.
ഇലക്ട്രോണിക്സ് കോർപറേഷൻ ഒഫ് ഇന്ത്യ
ഇലക്ട്രോണിക്സ് കോർപറേഷൻ ഒഫ് ഇന്ത്യ ലിമിറ്റഡിൽ ട്രേഡ്സ്മാൻ സി ഒഴിവുണ്ട്. ഇലക്ട്രോണിക് മെക്കാനിക്/ആർആൻഡ്ടിവി 25, ഫിറ്റർ 9, ഇലക്ട്രീഷ്യൻ 5, മെഷീനിസ്റ്റ് 3, വെൽഡർ 4, മിൽറൈറ്റ് മെക്കാനിക് 2, ഇലക്ട്രോപ്ലേറ്റർ 1, ടർണർ 1 എന്നിങ്ങനെ ഒഴിവുണ്ട്. ഓൺലൈനായി അപേക്ഷിക്കാനുള്ള അവസാന തീയതി ജൂൺ 29. വിശദവിവരത്തിന് www.ecil.co.in/http://careers.ecil.co.in