കൊച്ചി: ഒബ്‌റോൺ മാളിന്റെ 11-ാം വാർഷികാഘോഷം 150 നാൾ നീളുന്ന മികച്ച ഷോപ്പിംഗ് അനുഭവമാക്കുന്നതിന്റെ ഭാഗമായി ആരംഭിച്ച ഹാഫ് പ്രൈസ് സെയിൽ നാളെ സമാപിക്കും. ഡിപ്പാർട്ട്‌മെന്റ് സ്‌റ്റോറുകൾ,​ ഫാഷൻ ആൻഡ് ആക്‌സസറീസ്,​ ബ്യൂട്ടി കെയർ,​ ഗ്രോസറി,​ ഫുഡ് ആൻഡ് ഗെയിമിംഗ്,​ വാച്ചുകൾ,​ ഫുട്‌വെയർ,​ സ്‌പോർട്‌സ് വെയർ,​ ഇലക്‌ട്രോണിക്‌സ്,​ ട്രാവൽ,​ ഗിഫ്‌റ്റുകൾ,​ കുട്ടികളുടെ ഉത്‌പന്നങ്ങൾ,​ ജുവലറി തുടങ്ങി വിവിധ വിഭാഗങ്ങളിലായി 300ലേറെ ബ്രാൻഡുകൾക്ക് 50 ശതമാനം വരെ വിലക്കുറവുണ്ടെന്ന് മാൾ സെന്റർ മാനേജർ ജോജി ജോൺ പറഞ്ഞു.

11-ാം വാർഷികത്തിനോടനുബന്ധിച്ച് നടക്കുന്ന ഷോപ്പിംഗ് ഫെസ്‌റ്റിൽ എൽ.ഇ.ടി ടിവികൾ,​ സ്‌മാർട്ഫോണുകൾ, വാച്ചുകൾ തുടങ്ങിയ സമ്മാനങ്ങളും എല്ലാ ആഴ്‌ചകളിലും മാസങ്ങളിലും നറുക്കെടുപ്പിലൂടെ ഉപഭോക്താക്കൾക്ക് ലഭിക്കും. നിസാൻ കിക്‌സ് കാർ,​ ബി.എം.ഡബ്ല്യൂ ജി310 ആർ ബൈക്ക് എന്നിവയാണ് മെഗാ ബമ്പർ സമ്മാനങ്ങൾ.