കൊ​ട്ടി​യം: കഴുത്ത് മുറിച്ച് ആത്മഹത്യ ചെയ്യാൻ ശ്രമിച്ചതിനെ തുടർന്ന് ചികിത്സയിലിരുന്ന വിദ്യാർത്ഥി ആശുപത്രി കെട്ടിടത്തിന്റെ നാലാം നിലയിൽ നിന്ന് ചാടി മരിച്ചു. ച​വ​റ പന്മ​ന വാ​ഴ​യിൽ വി​ല്ല​യിൽ റ​ഷീ​ദി​ന്റെ​യും സൈ​റാ​ബാ​നു​വി​ന്റെ​യും മ​കൻ ഖൈ​സ് റ​ഷീ​ദാണ് (18) മ​രി​ച്ച​ത്. ശ​നി​യാ​ഴ്​ച ഉ​ച്ച​ക്ക് പ​ന്ത്ര​ണ്ട് മ​ണി​യോ​ടെ കൊല്ലം മേ​വ​റ​ത്തെ സ്വ​കാ​ര്യ മെ​ഡി​ക്കൽ കോ​ളേജിലായിരുന്നു സംഭവം.

വെ​ള്ളി​യാ​ഴ്​ച വൈ​കി​ട്ടാണ് ചവറയിലെ പാതയോരത്ത് ഇയാൾ കഴുത്ത് മുറിച്ച് ആത്മഹത്യ ചെയ്യാൻ ശ്രമിച്ചത്. മുറിവേറ്റ് പാതയോരത്ത് കിടന്ന വിദ്യാർത്ഥിയെ പൊലീസാണ് ആശുപത്രിയിലെത്തിച്ചത്. അപകടനില തരണം ചെയ്‌തതിനെ തുടർന്ന് ഖൈസ് റഷീദിനെ ഇന്നലെ രാവിലെ മുറിയിലേക്ക് മാറ്റിയിരുന്നു. കൗൺ​സലിം​ഗ് വി​ദ​ഗ്​ദ്ധ​നും ജീ​വ​ന​ക്കാ​രും മു​റി​യി​ലെ​ത്തി​യ​പ്പോൾ വിദ്യാർത്ഥിയുടെ ആവശ്യ പ്രകാരം മാതാവിനെ മുറിക്ക് പുറത്തിറക്കി. ബ​ന്ധു​വാ​യ ഒ​രു യു​വാ​വ് മാ​ത്ര​മാ​ണ് മുറിയിൽ ജീവനക്കാർക്ക് പുറമെ ഉണ്ടായിരുന്നത്. കൗൺ​സലിം​ഗ് ന​ട​ന്നു കൊ​ണ്ടി​രി​ക്കെ മു​റി​യി​ലു​ണ്ടാ​യി​രു​ന്ന​വ​രെ ത​ട്ടി​മാ​റ്റി​യ ശേ​ഷം ഇയാൾ ജ​നാ​ല​യി​ലൂ​ടെ പു​റ​ത്തേ​ക്ക് ചാ​ടു​ക​യാ​യി​രു​ന്നു.

ആശുപത്രി​യു​ടെ അ​ത്യാ​ഹി​ത വി​ഭാ​ഗ​ത്തി​ന​ടു​ത്തേ​ക്ക് വീ​ണ ഖൈ​സിന് ഉടൻ തന്നെ ചികിത്സ നൽകിയെങ്കിലും ജീവൻ രക്ഷിക്കാനായില്ല. കൊ​ട്ടി​യം പോ​ലീ​സ് സ്ഥ​ല​ത്തെ​ത്തി മേൽ​ന​ട​പ​ടി​കൾ സ്വീ​ക​രി​ച്ചു. പ​ത്താം ക്ലാ​സ് ​വ​രെ വി​ദേ​ശ​ത്ത് പഠ​നം ന​ട​ത്തി​യ ഖൈസ് എൻട്രൻസ് പരിശീലനവും പ്ലസ് ടുവും പൂർത്തീകരിച്ചത് പാലായിലാണ്.എൻട്രൻസ് റിപ്പീറ്റ് കോഴ്സിനായി കോട്ടയത്തെ സ്ഥാപനത്തിൽ വീണ്ടും ചേർന്നു. അവിടെ നിന്ന് വെള്ളിയാഴ്ച വീട്ടിലെത്തിയ ഖൈസിനെ പിന്നീട് പാതയോരത്ത് കഴുത്ത് മുറിച്ച നിലയിൽ നാട്ടുകാരാണ് ആദ്യം കണ്ടത്. പൊലീസ് ആദ്യം കരുനാഗപ്പള്ളിയിലെ സ്വകാര്യ ആശുപത്രിയിലാണ് എത്തിച്ചത്. അവിടെ നിന്ന് വിദഗദ്ധ ചികിത്സയ്ക്കായാണ് കൊല്ലത്തെ മെഡിക്കൽ കോളേജിലേക്ക് മാറ്റുകയായിരുന്നു.