കൊ​ടുമൺ:കൊടുമണ്ണിൽ ഇപ്പോൾ അതിഥികൾക്ക് നൽകുന്നത് ചായയും ശീതള പാനിയവുമൊന്നുമല്ല. കഞ്ഞിവെള്ളമാണ്. അതും നല്ല ഒന്നാന്തരം രക്തശാലി അരിയുടെ കഞ്ഞിവെള്ളം. കൊടുമൺ റൈസാണ് നാട്ടുകാരുടെ ശീലം മാറ്റിമറിച്ചത്. കാൽ​നൂ​റ്റാ​ണ്ടാ​യി ത​രി​ശാ​യി​ക്കി​ട​ന്ന നി​ല​ങ്ങളിലാണ് പാടശേഖര സമിതി കൃഷിയിറക്കിയത്. 250ൽ പരം കർഷകരുടെ അദ്ധ്വാനമാണ് കൊടുമൺ റൈസ് എന്ന ബ്രാൻഡിന് പിന്നിൽ. കി​ലോ​യ്​ക്ക് 50 രൂ​പ​യാ​ണ് വി​ല.

20 ടൺ അ​രി ര​ണ്ടാ​ഴ്​ച​കൊ​ണ്ട് ​വി​റ്റു​തീർന്നു. അരിയുടെ കഞ്ഞിവെള്ളം പോഷകസമൃദ്ധവും രുചികരവുമാണ്. പഴമയേറെയുള്ള നെൽവിത്താണ് രക്തശാലി. രാ​ജ​കൊ​ട്ടാ​രങ്ങളിലെ അ​റ​ക​ളിലും താ​ഴി​ക​ക്കു​ട​ങ്ങ​ളിലും ഇ​തി​ന്റെ വിത്ത് സൂ​ക്ഷി​ച്ചി​രുന്നതായി പറയപ്പെടുന്നു. രാ​ജ​കു​ടും​ബ​ങ്ങ​ളിൽ ഈ അ​രി​യാ​ണ് ഉ​പ​യോ​ഗി​ച്ചി​രു​ന്നത് . അ​രി​ക​ഴു​കു​മ്പോൾ വെ​ള്ള​ത്തി​ന് ത​വി​ട്ട് നി​റം കു​റ​വാണ്. വേ​വ് അ​ല്​പം കൂ​ടു​ത​ലുണ്ട്. ക​ഞ്ഞി​വെ​ള്ള​ത്തി​ന് ഔ​ഷ​ധ​ഗുണവുമുണ്ട്. ആ​രോ​ഗ്യ​സം​ര​ക്ഷ​ണ​ത്തിനും സൗന്ദ​ര്യ വർ​ദ്ധ​ന​വി​നും ര​ക്ത​ശാ​ലി അ​രി​യു​ടെ ചോറും ക​ഞ്ഞി​വെ​ള്ളവും ഉ​ത്ത​മമാ​ണെ​ന്ന് ആ​യുർ​വേദ വൈ​ദ്യൻ​മാർ പണ്ടേ പറഞ്ഞിട്ടുണ്ട്. പ​ഴ​യ​കാല​ത്ത് രക്തശാലി നെല്ല് കൃഷി ചെയ്യാൻ പ്രത്യേക സ്ഥലവുമുണ്ടായിരുന്നു. പ​രീ​ക്ഷ​ണാ​ടി​സ്ഥാ​ന​ത്തി​ലാണ് കൊടുമണ്ണിൽ ഈ വി​ത്ത് കൃഷി ചെയ്തത്. പ്രിയമേറിയതോടെ ജൈ​വവ​ളം മാത്രം ഉ​പ​യോ​ഗി​ച്ച് കൂടുതൽ സ്ഥലങ്ങളിൽ കൃ​ഷി​ചെ​യ്യു​മെന്ന് പാ​ട​ശേ​ഖ​ര​സ​മി​തി​ക്കു നേ​തൃത്വം കൊ​ടു​ക്കു​ന്ന എ.എൻ. സലിം പ​റ​ഞ്ഞു.

ത​രി​ശാ​യി​കി​ട​ക്കു​ന്ന നി​ല​ങ്ങളിൽ കൃ​ഷി​ചെയ്യാൻ കൂ​ടു​തൽ കൃ​ഷിക്കാർ മു​ന്നോ​ട്ടു​വ​രു​ന്നുണ്ട്. പക്ഷേ കർ​ഷക തൊ​ഴി​ലാ​ളിക​ളുടെ ക്ഷാമം ബുദ്ധിമുട്ട് സൃഷ്ടിക്കുന്നു.

കൃഷി നടന്നത് 260 ഏക്കറിൽ

കൊടുമൺ പഞ്ചായത്തിന്റെയും കൃഷി ഭവന്റെയും സഹകരണത്തോടെ പാടശേഖര സമിതിയാണ് പദ്ധതി ആവിഷ്കരിച്ചത്. 260 ഏക്കറിലാണ് കൃഷി ചെയ്തത്. നാല് ലക്ഷത്തിൽപ്പരം കിലോ നെല്ല് സംഭരിച്ചു. രക്തശാലി കൂടാതെ ഉമ, ജ്യോതി, ശ്രേയസ് വിത്തുകളും വിതച്ചു. ജില്ലാ സഹകരണ ബാങ്കിൽ നിന്ന് വായ്പയെടുത്താണ് കൃഷിക്കാവശ്യമായ തുക കണ്ടെത്തിയത്. ഒായിൽപാം കോർപറേഷന്റെ കോട്ടയത്തുള്ള മില്ലിലാണ് നെല്ല് കുത്തി അരിയാക്കിയത്.