ഇളമണ്ണൂർ :ഏനാദിമംഗലം - കിൻഫ്ര - കുന്നിടറോഡിൽ ഏനാദിമംഗലം ജംഗ്ഷന് സമീപം തോടിന് കുറുകെയുള്ള പാലത്തിന് ഒരു വശത്ത് കൈവരിയല്ലാത്തത് അപകട ഭീഷണി ഉയർത്തുന്നു. നിരവധി വാഹനങ്ങളാണ് ഇത് വഴി പോകുന്നത്. വാഹനങ്ങൾ തോട്ടിലേക്ക് മറിഞ്ഞ് വൻ അപകടത്തിന് സാദ്ധ്യത ഏറെയാണ്. വർഷങ്ങൾ പഴക്കമുള്ള പാലത്തിന് ബലക്ഷയം ഉള്ളതായി നാട്ടുകാർ പറയുന്നു.

കഴിഞ്ഞ രണ്ട് ദിവസം മുമ്പ് ഇതിന് സമീപത്തായി റോഡ് ഇടിഞ്ഞ് താന്ന് ടിപ്പർ ലോറി താഴ്ചയിലേക്ക് മറിഞ്ഞിരുന്നു. ഇരുചക്രവാഹനങ്ങളും തൊട്ടിലേക്ക് മറിഞ്ഞ് അപകടത്തിൽപ്പെടാനുള്ള സാദ്ധ്യത ഏറെയാണ്.പാലത്തിന്റെ അടിഭാഗത്തെ കൽകെട്ട് തകർന്നിട്ടുണ്ട്. പാലത്തിന്റെ അറ്റകുറ്റ പണികൾ നടത്തി കൈവരികളും സ്ഥാപിക്കാൻ അടിയന്തര നടപടി സ്വീകരിക്കണമെന്നാണ് നാട്ടുകാരുടെ ആവശ്യം.