പന്തളം : പ്രധാ​ന​മ​ന്ത്രി​യുടെ ഗ്രാമീണ സഡ​ക് യോ​ജ​ന​പ​ദ്ധതിയിൽ ഉൾപ്പെ​ടുത്തി കോടി​കൾ മുടക്കി നിർമ്മിച്ച റോഡി​ലൂടെ യാത്ര​ചെ​യ്യാൻ പറ്റാത്ത സ്ഥിതി. കുര​മ്പാല ഇട​യാടി - പൂഴി​ക്കാട് തൂമല റോഡിന് ഇരുവശത്തുമായി കൈത, ആന​തൊ​ട്ടാ​വാ​ടി, അന​ച്ചകം എന്നിവ വളർന്ന് റോഡിന്റെ സിംഹ​ഭാ​ഗവും എത്തി​യ​താണ് യാത്ര ദുരി​ത​ത്തി​ലാ​കാൻ കാര​ണം. ആന​തൊ​ട്ടാ​വാ​ടി യാത്ര​ക്കാ​രുടെ ദേഹത്ത് കൊണ്ട് മുറി​ഞ്ഞാൽ ചികി​ത്സിച്ച് ഭേദ​മാ​കാൻ ദിവ​സ​ങ്ങ​ളോളം വേണം. ഒരു കോടി ഒൻപത് ലക്ഷത്തി ഇരു​പ​ത്തി​യൊ​രാ​യി​രത്തി അറു​നൂറ്റി എട്ട് രൂപ മുടക്കി നിർമ്മി​ച്ച​താണ് ഈ റോഡ്. കന്നു​കാലികൾക്കും ഇവ കൊടുക്കാറില്ല. റോഡിന്റെ പല ഭാഗത്തും വഴി​വി​ളക്ക് ഇല്ലാ​ത്ത​തി​നാൽ രാത്രികാല​ യാത്രക്കാരും പ്രഭാ​ത​സ​വാ​രി​ക്കി​റ​ങ്ങു​ന്ന​വർക്കും ഇഴ​ജ​ന്തു​ക്ക​ളുടെ ഭീഷണി ഉണ്ട്. അതിർത്തി നിർണ​യിച്ച് സ്ഥാപി​ച്ചി​രുന്ന കല്ലു​കളും കാടു​മൂടിയിട്ടുണ്ട്.

നഗരസഭ തിരിഞ്ഞു നോക്കുന്നില്ല, കാരണമുണ്ട്

പണി കഴി​ഞ്ഞ​തി​ന്‌ശേഷം കരാ​റു​കാ​രൻ ഈ ഭാഗ​ത്തേക്ക് തിരിഞ്ഞ് നോക്കാ​റി​ല്ല. എം.​സി.​റോ​ഡിൽ അമ്പ​ല​ത്തി​നാൽചുര ജംഗ്ഷ​നിൽ നിന്നും പൂഴി​ക്കാട് തവ​ളം​കുളം ജംഗ്ഷ​നി​ലേക്ക് പോകുന്ന പന്തളം നഗ​ര​സഭ റോഡിന്റെ മുന്നൂറ് മീറ്റ​റോളം ഭാഗം ഈ പദ്ധ​തി​യിൽ ഉൾപ്പെ​ടു​ത്തി​യ​തി​നാൽ നഗ​ര​സഭ ഇവി​ടുത്തെ കാട് നീക്കം ചെയ്യാനോ അറ്റ​കു​റ്റ​പ്പ​ണി​കൾ നട​ത്താനോ തയാറാ​കു​ന്നി​ല്ല.

കരാറുകാരുടെ ചെല തട്ടിപ്പുകൾ

പഞ്ചാ​യത്ത് വർഷ​ങ്ങൾക്ക് മുമ്പ് പണിത മൂന്ന് കലു​ങ്കു​കൾ പുനർനിർമ്മി​ക്കാൻ പുതിയ റോഡ് പണി​ത​പ്പോൾ കരാ​റു​കാ​രൻ തയാറാ​യി​ല്ല. പൂർത്തീ​ക​രിച്ച പ്രവർത്തി​യുടെ കണ​ക്കിൽ ഈ കലു​ങ്കു​കളും പുതു​തായി നിർമ്മിച്ചതായി കാണി​ച്ചാണ് കരാ​റു​കാ​രൻ ബില്ല് മാറി​യി​ട്ടു​ള്ള​ത്.

കരാറുകാരുമായുള്ള വ്യവസ്ഥ

നിർമ്മാണം പൂർത്തീ​ക​രിച്ച് അഞ്ച് വർഷം വർഷ​ത്തിൽ ഒന്നും രണ്ടും തവണ ഇരു വശങ്ങളിലേയും കാടു​വെ​ട്ടി​തെ​ളി​യിക്കണം. റോഡിൽ വെള്ളം കെട്ടി​നിൽക്കു​ന്നത് ഒഴി​വാ​ക്കണം, കുഴി​യ​ട​ക്കൽ, ഓടയുടെ നവീ​ക​രണം, കലുങ്കുകളുടെ പാർശ്വ​ഭി​ത്തി​ക​ളുടെ വെള്ള​പൂ​ശൽ എന്നിവ കരാ​റു​കാ​രൻ ചെയ്യ​ണ​മെ​ന്നാണ് വ്യവ​സ്ഥ.

-റോഡിന് 6 മീറ്റർ വീതി

-നിർമ്മാണത്തിന് -1925608 രൂപ

- ഇഴ​ജ​ന്തു​ക്ക​ളുടെ ഭീഷണി

പൂഴി​ക്കാട് തവ​ളം​കുളം - കുട​ശ​നാട് പള്ളി​ഭാ​ഗ​ങ്ങ​ളിൽ ഉള്ള​വർ പന്തളം ഭാഗ​ത്തേക്ക് പോകു​ന്ന​തിനും എം.​സി.​റോ​ഡിൽ എത്തു​ന്ന​തിന് എളു​പ്പ​വ​ഴി​യായി ഉപ​യോ​ഗി​ക്കുന്ന റോഡാ​ണി​ത്. കാടു​കൾ നീക്കം ചെയ്ത് സഞ്ചാ​ര​ത്തിന് സൗകര്യം ഒരു​ക്കു​വാൻ കരാ​റു​കാർ തയാറാ​കണം.

പി.​കെ.​ച​ന്ദ്ര​ശേ​ഖ​ര​പിള്ള

(പൂഴി​ക്കാട് പീപ്പിൾ ലൈബ്രറി പ്രസി​ഡന്റ്)