കോഴഞ്ചേരി: വായനാ വാരത്തോടനുബന്ധിച്ച് കാഞ്ഞീറ്റുകര എസ്.എൻ.ഡി.പി വൊക്കേഷണൽ ഹയർ സെക്കൻഡറി സ്​കൂളിൽ വായനക്കളരി നടന്നു. ജില്ലാകഥകളി ക്ലബ് സെക്രട്ടറി വി. ആർ. വിമൽരാജ് ഉദ്ഘാടനം ചെയ്തു. സ്​കൂൾ പ്രിൻസിപ്പൽ ബിന്ദു എസ്.അദ്ധ്യക്ഷത വഹിച്ചു. വരുന്ന ഒരാഴ്ചക്കാലം കുട്ടികൾക്ക് വായിക്കുവാനുള്ള വിവിധയിനം പുസ്തകങ്ങൾ വിവരണത്തോടെ വിദ്യാർത്ഥികൾക്ക് വിതരണം ചെയ്തു. എൻ.എസ്.എസ് പ്രോഗ്രാം ഓഫീസർ രാജീവ്, ഹെഡ്മിസ്ട്രസ് പ്രിജി എന്നിവർ സംസാരിച്ചു.