പന്തളം: ഫയർസ്റ്റേ​ഷൻ പന്തളത്ത് ഉണ്ടോ, ഇല്ലയോ എന്ന കാര്യത്തിൽ ആർക്കും ഒരു സംശയം തോന്നിയേക്കാം. ഫയർസ്റ്റേ​ഷന്റെ കാര്യം ഇവിടെ രണ്ട് പതി​റ്റാ​ണ്ടായി കേൾക്കുന്നതാണ്. കാര്യങ്ങൾ അറിഞ്ഞാൽ ആരുമൊന്നു മൂക്കത്ത് വിരൽവയ്ക്കും.

പി.​കെ.​കു​മാ​രൻ എം.​എൽ.എ ആയി​രുന്ന കാല​ത്താണ് ഫയർസ്റ്റേ​ഷൻ പന്തളത്തിന് അനു​വ​ദി​ച്ച​ത്. ഗ്രാമപഞ്ചാ​യത്ത് അടി​സ്ഥാന സൗക​ര്യ​ങ്ങൾ ഒരു​ക്ക​ണ​മെ​ന്നാ​യി​രുന്നു വ്യവ​സ്ഥ. എന്നാൽ അത് പാലി​ക്കപ്പെട്ടില്ല. പിന്നീട് 2006 - 07 പദ്ധ​തി​യിൽ പന്തളം പഞ്ചാ​യത്ത് പൂഴി​ക്കാട് ചിറ​മു​ടി​യി​ൽ ഫയർഫോഴ്സിന് സൗക​ര്യ​ങ്ങൾ ഒരു​ക്കാൻ 2 ലക്ഷം രൂപ അനു​വ​ദി​ച്ചു. വാഹനം ഇടു​ന്ന​തിന് ഷെഡ്, ഓഫീസ് റൂം, വാട്ടർ ടാങ്ക് എന്നിവ നിർമ്മി​ക്കാനായി​രുന്നു തുക. എന്നാൽ പാതി വഴിയിൽ കരാറുകാരൻ പണി​ ഉപേക്ഷിച്ചു. കെട്ടിടം കാടുമൂടി.

കഴിഞ്ഞ സർക്കാ​രിന്റെ കാ​ലത്ത് കുള​ന​ട​യിൽ ഫയർസ്റ്റേഷൻ തുട​ങ്ങാൻ ആറ​ന്മു​ള​ എം.​എൽ.എ ആയിരുന്ന അഡ്വ. കെ.​ശി​വ​ദാ​സൻ നായർ ശ്രമം നടത്തി. എന്നാൽ പന്ത​ളത്ത് തന്നെ തുട​ങ്ങാൻ സ്ഥലം കണ്ടെ​ത്തി​യി​ട്ടു​ണ്ടെന്ന് ചിറ്റയം ഗോപ​കു​മാർ എം.​എൽ.എ അറി​യി​ച്ചതോടെ കുളനട ഒഴിവായി.
പന്തളം വലി​യ​പാ​ല​ത്തിന് സമീപമുള്ള പി.​ഡ​ബ്യൂ.ഡി പുറമ്പോ​ക്കാണ് എം.​എൽ.എ കണ്ടെ​ത്തിയ സ്ഥലം. ഇവിടെ ഒാഫീസ് കെട്ടിടം പണിയണം എന്ന കാരണത്താൽ പൊതുമരാമത്ത് വകുപ്പ് ഭൂമി വിട്ടുനൽകാൻ തയ്യാ​റ​ായില്ല.

ഇപ്പോൾ പന്തളം നഗ​ര​സ​ഭ​യുടെ ഉടമസ്ഥതയിലുള്ള ചിറ​മു​ടി​യി​ലുള്ള സ്ഥലം സ്റ്റേഷൻ നിർമാണത്തിന് അനുയോജ്യമാണെന്ന് ഫയർഫോഴ്സ് അധി​കൃ​തർ അറിയിച്ചിരുന്നു. എന്നാൽ ഭൂമി ഫയർഫോഴ്സ് ഡിപ്പാർട്ടു​മെന്റിന് എഴു​തി​ നൽകിയാലേ കെട്ടിടനിർമാണം സാദ്ധ്യമാകു.

വാട​ക​കെ​ട്ടി​ട​ത്തിൽ

വാട​ക​കെ​ട്ടി​ട​ത്തിൽ ഫയർസ്റ്റേ​ഷൻ പ്രവർത്തി​ക്കാൻ മൂന്നു​മാസം മുമ്പ് നഗ​ര​സഭ പൂഴി​ക്കാട് തോണ്ടു​ക​ണ്ട​ത്തിന് സമീ​പം സ്വകാര്യ സ്ഥലവും കെട്ടിടവും കണ്ടെ​ത്തി​യിരുന്നു. എന്നാൽ ഫയർഫോഴ്സ് അധി​കൃ​തർ നട​ത്തിയ പരി​ശോ​ധ​ന​യിൽ കെട്ടിടം പര്യാ​പ്ത​മ​ല്ലെന്ന് കണ്ടെത്തി. കെട്ടിടത്തിൽ കൂടുതൽ സൗകര്യമൊരുക്കി നൽകാമെന്ന് ഉടമ അറിയിച്ചിട്ടുണ്ട്.

പന്തളം , കുള​ന​ട, മെഴു​വേ​ലി, തുമ്പ​മൺ പ്രദേ​ശ​ങ്ങ​ളിൽ അത്യാഹിതമുണ്ടായാൽ അടൂർ, പത്ത​നം​തി​ട്ട, ചെങ്ങ​ന്നൂർ എന്നി​വി​ട​ങ്ങ​ളിൽ നിന്നു​മാണ് ഫയർഫോഴ്സ് എത്തു​ന്ന​ത്. കിലോ​മീ​റ്റ​റു​കൾ താണ്ടി രക്ഷകർ എത്തുമ്പോഴേക്കും പലപ്പോഴും ജീവനും നഷ്ടമായിരിക്കും.

മണ്ഡലകാ​ലത്ത് പന്തളത്ത് താല്കാ​ലിക ഫയർസ്റ്റേ​ഷൻ പ്രവർത്തി​ക്കു​ന്നു​ണ്ട്.

ശബ​രി​മല സീസണ് മുമ്പെന്ന് മുഖ്യമന്ത്രി

ഫയർസ്റ്റേ​ഷന് താ​മസം നേരി​ടുന്ന സാഹ​ച​ര്യ​ത്തിൽ സി.​പി.​എം നേതാ​ക്ക​ളായ മുൻ എം.​എൽ.എ പി.​കെ.​കു​മാ​രൻ, കെ.​പി.​ച​ന്ദ്ര​ശേ​ഖര കുറുപ്പ്, രാധാ​രാ​മ​ച​ന്ദ്രൻ, നഗ​ര​സഭ ചെയർപേ​ഴ്സൺ ടി.​കെ.​സ​തി എന്നി​വർ മുഖ്യ​മ​ന്ത്രി​യെ​കണ്ട് നട​പടി ആവ​ശ്യ​പ്പെ​ട്ടു. അടുത്ത ശബ​രി​മല സീസണ് മുമ്പ് ഫയർസ്റ്റേ​ഷൻ ആരം​ഭിക്കാൻ മുഖ്യമന്ത്രി ഉറ​പ്പു​നൽകി​യ​തായി ഇവർ പറ​ഞ്ഞു.

ഫയർസ്റ്റേ​ഷൻ

അനുവദിച്ചത് രണ്ട് പതിറ്റാണ്ട് മുമ്പ്

കെട്ടിടം പണി പാതിയിൽ മുടങ്ങി

വാടക കെട്ടിടവും പരിഗണനയിൽ