പത്തനാപുരം: എസ്.എൻ.ഡി.പി യോഗം കറവൂർ 802-ാം നമ്പർ ശാഖാ വാർഷികപൊതുയോഗവും വിവിധ പരീക്ഷകളിൽ ഉന്നത വിജയം നേടിയവർക്കുള്ള അവാർഡ്ദാനവും പഠനോപകരണ വിതരണവും ശാഖാ ഓഡിറ്റോറിയത്തിൽ നടന്നു. യൂണിയൻ സെക്രട്ടറി ബി.ബിജു ഉദ്ഘാടനം ചെയ്തു.

യൂണിയൻ പ്രസിഡന്റ് ആദംകോട് കെ. ഷാജി അദ്ധ്യക്ഷത വഹിച്ചു. ശാഖാ സെക്രട്ടറി എൻ. ബാലകൃഷ്ണൻ പ്രവർത്തന റിപ്പോർട്ടും വരവ് ചെലവ് കണക്കും അവതരിപ്പിച്ചു. ശാഖാ യോഗം, വനിതാസംഘം, യൂത്ത്മൂവ്മെന്റ്, ബാലജനയോഗം എന്നിവയുടെ തിരെഞ്ഞെടുപ്പ് നടന്നു. യൂണിയൻ വൈസ് പ്രസിഡന്റ് കെ.കെി ശശീന്ദ്രൻ, യൂണിയൻ കൗൺസിലറും യൂത്ത്മൂവ്മെന്റ് യൂണിയൻ അദ്ധ്യക്ഷനുമായ റിജു വി. ആമ്പാടി, വനിതാ സംഘം യൂണിയൻ സെക്രട്ടറി എസ്‌.ശശിപ്രഭ, യൂണിയൻ പഞ്ചായത്ത് കമ്മിറ്റി അംഗം എൻ.പി. ഗണേഷ് കുമാർ, വനിതാസംഘം യൂണിയൻ പ്രസിഡന്റ് സുലത പ്രകാശ്, എം. മഞ്ചേഷ് എന്നിവർ സംസാരിച്ചു.

ശാഖാ പ്രസിഡന്റ് എൻ. വിക്രമൻ സ്വാഗതവും വൈസ് പ്രസിഡന്റ് ബി. ജഗദമ്മ നന്ദിയും പറഞ്ഞു. ഭാരവാഹികളായി എൻ. വിക്രമൻ(പ്രസിഡന്റ്), ബി.ജഗദമ്മ(വൈസ് പ്രസിഡന്റ്) , എൻ. ബാലകൃഷ്ണൻ(സെക്രട്ടറി), പി.ഒ. ശശി(യൂണിയൻ പ്രതിനിധി) , പി.കെ. രാജു, എൻ. രാജൻ, ശ്യാംലാൽ, എസ്. ശ്രീകുമാർ, ലത ഗണേഷ്, എസ്‌. മധു, കെ.ശാന്തമ്മ (കമ്മിറ്റി അംഗങ്ങൾ) എന്നിവരെ തിരഞ്ഞെടുത്തു.