കൊ​ട്ടാ​ര​ക്ക​ര: ത​കർ​ന്ന റോ​ഡു​കൾ​ക്കൊ​പ്പം നി​ല​വി​ലു​ണ്ടാ​യി​രു​ന്ന കെ.എ​സ്.ആർ.ടി.സി, സ്വ​കാ​ര്യ ബ​സ് സർ​വീ​സു​ക​ളും നി​ല​ച്ച​തോ​ടെ അ​ണ്ടൂർ, മേൽ​ക്കു​ള​ങ്ങ​ര പ്ര​ദേ​ശ​ങ്ങൾ ക​ടു​ത്ത യാ​ത്രാ ദു​രി​ത​ത്തിൽ. ഉ​മ്മ​ന്നൂർ പ​ഞ്ചാ​യ​ത്തി​ന് കീ​ഴിൽ വ​രു​ന്ന ഇ​വി​ട​ത്തു​കാർ​ക്ക് ആ​ദ്യം തി​രി​ച്ച​ടി​യാ​യ​ത് അ​ണ്ടൂർ മു​തൽ മേൽ​ക്കു​ള​ങ്ങ​ര​വ​രെ​യു​ള്ള ര​ണ്ടു കി​ലോ​മീ​റ്റർ ഭാ​ഗ​ത്തെ റോ​ഡി​ന്റെ ത​കർ​ച്ച​യാ​ണ്. മെ​റ്റ​ലി​ള​കി കു​ണ്ടു​കു​ഴി​യു​മാ​യി കി​ട​ക്കു​ന്ന റോ​ഡി​ലൂ​ടെ കാൽ നാ​ട​യാ​ത്ര​പോ​ലും ദു​സ​ഹ​മാ​ണ്.

ഇ​തി​നൊ​പ്പ​മാ​ണ് ശോ​ച്യാ​വ​സ്ഥ​യി​ലു​ള്ള റോ​ഡി​ലൂ​ടെ​യു​ള്ള സർ​വീ​സ് കെ.എ​സ്.ആർ.ടി.സി പോ​ലും നി​റു​ത്തി​വ​ച്ച​ത്. അ​ണ്ടൂർ വ​ഴി തി​രു​വ​ന​ന്ത​പു​ര​ത്തേ​ക്കു​ള്ള കെ.എ​സ്.ആർ.ടി.സി സർ​വീ​സ് നി​ല​ച്ചി​ട്ട് വർ​ഷം അ​ഞ്ച് പി​ന്നീ​ട്ടു. സ്വ​കാ​ര്യ വാ​ഹ​ന​ങ്ങ​ളും ടാ​ക്‌​സി​ക​ളും റോ​ഡി​നെ ഉ​പേ​ക്ഷി​ച്ചി​ട്ടും നാ​ളേ​റെ​യാ​യി. ഇ​ര​ട്ടി തു​ക നൽ​കാ​മെ​ന്ന് പ​റ​ഞ്ഞാ​ലും ഓ​ട്ടോ​റി​ക്ഷ​ക​ളും ഇ​തു​വ​ഴി സർ​വീ​സ് ന​ട​ത്താൻ മ​ടി​ക്കു​ക​യാ​ണ്.

കൊ​ട്ടാ​ര​ക്ക​ര​യി​ലും ആ​യൂ​രും അ​ഞ്ച​ലിലും ഉള്ള സ്ഥാപനങ്ങളിൽ പഠിക്കുന്ന വിദ്യാർത്ഥികളും വിവിധ പ്രദേശങ്ങളിൽ ജോലിക്ക് പോകുന്നവരുമാണ് ഇതുമൂലം ഏറെ ബുദ്ധിമുട്ടുന്നത്. അടിയന്തര സാഹചര്യങ്ങളിൽ രോഗികളെ ആശുപത്രിയിൽ എത്തിക്കുന്നതിനും ഏറെ ക്ളേശം സഹിക്കണം. റോഡ് ടാറിംഗ് നടത്തി സഞ്ചാരയോഗ്യമാക്കിയാൽ സർവീസുകൾ പുനരാരംഭിക്കുന്ന കാര്യം പരിഗണിക്കാമെന്നാണ് കെ.എസ്.ആർ.ടി.സി അധികൃതർ പറയുന്നത്. സ്വകാര്യ ബസുടമകളും ഇതിനോട് യോജിക്കുന്നുണ്ട്.

എന്നാൽ തുടർ നടപടികൾ മാത്രം എങ്ങും എത്തിയില്ല. വിഷയത്തിൽ പരാതി പറഞ്ഞ് മടുത്തതായാണ് ജനങ്ങൾ പറയുന്നത്. തദ്ദേശ സ്വയംഭരണ സ്ഥാപനങ്ങളുടെയോ എം.പി, എം.എൽ.എ ഫണ്ടോ ഉപയോഗിച്ച് പ്രശ്നത്തിന് പരിഹാരം കാണാൻ സാധിക്കും. അതിന് അടിയന്തര നടപടി വേണമെന്നും തങ്ങളുടെ യാത്രാക്ളശം അകറ്റാൻ അധികൃതർ ഇടപെടണമെന്നുമാണ് ഇവരുടെ ആവശ്യം.