കൊ​ട്ടാ​ര​ക്ക​ര: തൃ​ക്ക​ണ്ണ​മം​ഗൽ തോ​ട്ടം​മു​ക്ക്- സി​നി​മാ പ​റ​മ്പ് റോ​ഡി​ലെ ഇ.ടി.സി ബ്രി​ട്ടീ​ഷ് പാ​ലത്തിന് പകരമായി പുതിയ പാലം നിർമ്മിക്കണമെന്ന ആവശ്യം ശക്തമാകുന്നു. ഒരു നൂറ്റാണ്ട് പഴക്കമുള്ള ഇടുങ്ങിയ പാലത്തിലൂടെ ഗതാഗതം ദുഷ്കരമായ സാഹചര്യത്തിലാണ് ചരിത്ര സ്മാരകമായ ഇതിനെ അറ്റകുറ്റപ്പണി നടത്തി സംരക്ഷിച്ചുകൊണ്ട് സമാന്തരമായി പുതിയ പാലം നിർമ്മിക്കണമെന്ന് നാട്ടുകാർ ആവശ്യപ്പെടുന്നത്.

നൂ​റു​വർ​ഷം മു​മ്പ് ബ്രി​ട്ടീ​ഷു​കാർ ഇ.ടി.സി​യി​ലു​ള്ള തേ​യി​ല​ക്കു​ന്നു സ​ന്ദ​ർ​ശി​ക്കു​ന്ന​തി​നും തേ​യി​ല വ്യാ​പാ​രം ഉ​റ​പ്പി​ക്കു​ന്ന​തി​നു​മാ​യി നിർ​മ്മി​ച്ചതാണ് ബ്രിട്ടീഷ് പാലം. കോളനിവാഴ്ചയുടെ ചരിത്രം പറയുന്ന പാലത്തിന് ബ്രി​ട്ടീഷുകാരുടെ സാ​ങ്കേ​തി​ക വി​ദ്യ​യും ത​നി​മ​യും അ​വ​കാ​ശ​പ്പെ​ടാ​നു​ണ്ട്. എന്നാൽ കാലാന്തരത്തിൽ വാഹനങ്ങളുടെ എണ്ണം വർദ്ധിച്ചതോടെ ഇതുവഴിയുള്ള ഗതാഗതം ദുഷ്കരമായി. വലിയ രണ്ട് വാഹനങ്ങൾ ഒരുമിച്ചെത്തിയാൽ പാലത്തിലൂടെ കടന്നുപോകുന്നതിന് പ്രയാസമാണ്. പലപ്പോഴും നീണ്ട ഗതാഗതക്കുരുക്കിനും ഇതുവഴിതെളിക്കുന്നു.

പാലത്തിന്റെ ഈ അവസ്ഥ കാരണം പൊതുഗാതാഗത സൗകര്യങ്ങളും ഇവിടെ വളരെ കുറവാണ്. ബ്ലോ​ക്കു പ​ഞ്ചാ​യ​ത്ത് ഓ​ഫീ​സ്, കി​ല, ഇ.ടി.സി, എ​സ്.ഐ.ആർ..ഡി, സീ​ഡ് ഫാം, ന​വോ​ദ​യ സ്​കൂൾ, ഐ.എ​ച്ച്.ആർ.ഡി എ​ൻജിനി​യ​റിം​ഗ് കോ​ള​ജ് തു​ട​ങ്ങി അ​നേ​കം സ്ഥാ​പ​ന​ങ്ങൾ ഇവിടെ പ്രവർത്തിക്കുന്നുണ്ട്. ഇവിടങ്ങളിലെത്തുന്നവരാണ് ഗതാഗത സൗകര്യമില്ലാതെ വലയുന്നത്. ഇതിന് പരിഹാരമായി ബ്രി​ട്ടീ​ഷ് പാ​ലം ച​രി​ത്ര സ്​മാ​ര​ക​മാ​യി നി​ല​നിർ​ത്തി മ​റ്റൊ​രു സ​മാ​ന്ത​ര​പാ​ലം നിർ​മ്മി​ക്കണമെന്നാണ് നാട്ടുകാർ ആവശ്യപ്പെടുന്നത്.

ഇടുങ്ങിയ ബ്രിട്ടീഷ് പാലത്തിലൂടെയുള്ള ഗതാഗതം ഏറെ ദുഷ്കരമാണ്. ഇതിന് പരിഹാരം കണ്ടെത്തണം. ച​രി​ത്ര സ്​മാ​ര​ക​മാ​കേ​ണ്ട ഈ ബ്രി​ട്ടീ​ഷ് പാ​ലം നി​ല​നിർ​ത്തി സ​മാ​ന്ത​ര പാ​ലം നിർ​മ്മി​ക്ക​ണം

സ​ജി ചേ​രൂർ, ജ​ന​കീ​യ വേ​ദി പ്ര​വർ​ത്ത​കൻ