തൊ​ടി​യൂർ: ക​രു​നാ​ഗ​പ്പ​ള്ളി കു​ന്ന​ത്തൂർ താ​ലൂ​ക്കു​ക​ളെ​യും, തൊ​ടി​യൂർ മൈ​നാ​ഗ​പ്പ​ള്ളി പ​ഞ്ചാ​യ​ത്തു​ക​ളെ​യും ബ​ന്ധി​പ്പി​ക്കു​ന്ന കാ​രൂർ​ക്ക​ട​വ് പാ​ലം അപകടാവസ്ഥയിലായിട്ടും അധിക‌ൃതർ മൗനം തുടരുകയാണെന്ന് ആക്ഷേപം. 1981 മാർ​ച്ച് 12നാ​ണ് പാലം ഉ​ദ്​ഘാ​ട​നം ചെ​യ്​ത​ത്. പാ​റ​യും മ​ണ്ണും ക​ട​ത്തു​ന്ന​തി​ന് നി​യ​ന്ത്ര​ണ​ങ്ങ​ളി​ല്ലാ​തി​രു​ന്ന കാ​ല​ത്ത് നൂ​റു​ക​ണ​ക്കിൽ വാ​ഹ​ന​ങ്ങൾ നി​ത്യ​വും ഈ പാ​ല​ത്തി​ലൂ​ടെ കടന്നു പോ​യി​രു​ന്നു. പാ​ലം സ്ഥി​തി ചെ​യ്യു​ന്ന പ​ള്ളി​ക്ക​ലാ​റ്റിൽ മുമ്പ് മ​ണലൂ​റ്റും വ്യാ​പ​ക​മാ​യി​രു​ന്നു. പാ​ല​ത്തി​ന്റെ തൂ​ണു​ക​ളിൽ വി​ള്ള​ലു​കൾ വീ​ണിട്ടുണ്ട്. പ​ല ഭാ​ഗ​ങ്ങ​ളും പൊ​ളി​ഞ്ഞു തു​ട​ങ്ങി. പാലത്തിന്റെ പൊ​ളി​ഞ്ഞ പല ഭാ​ഗ​ങ്ങ​ളി​ലും ക​മ്പി പു​റ​ത്തു കാ​ണാ​വുന്ന അവസ്ഥയിലാണ്. വ​ലി​യ അ​പ​ക​ട ഭീ​ഷ​ണിയുണ്ടായപ്പോൾ ​അ​ടു​ത്തി​ടെ നാ​ട്ടു​കാർ കോൺ​ക്രീ​റ്റ് ഇ​ട്ട് വിടവുകൾ അ​ടച്ചിരുന്നു. ഒ​ര​പ​ക​ട​ത്തി​ന് കാ​ത്തി​രി​ക്കാ​തെ അ​ടി​യ​ന്ത​ര​മാ​യി പാ​ല​ത്തി​ന്റെ സു​ര​ക്ഷി​ത​ത്വം സം​ബ​ന്ധി​ച്ച് പ​രി​ശോ​ധ​ന നടത്തി ആവശ്യമായ നടപടി കൈക്കൊള്ളാൻ അധികൃതർ തയ്യാറാകണമെന്നാണ് നാട്ടുകാരുടെ ആവശ്യം.

പല ഭാഗങ്ങളും പൊ​ട്ടി​പ്പൊളി​ഞ്ഞു

പാ​ല​ത്തി​ന്റെ മ​ദ്ധ്യ​ഭാ​ഗ​ത്തെ ചില സ്ഥലങ്ങൾ ഇ​പ്പോ​ഴും പൊ​ട്ടി​പ്പൊളി​ഞ്ഞ് കി​ട​ക്കു​കയാണ്. പ​ടി​ഞ്ഞാ​റേ ​ക​ര​യിൽ റോ​ഡും പാ​ല​വും സ​ന്ധി​ക്കു​ന്ന ഭാ​ഗവും ത​കർ​ന്നു കി​ട​ക്കുകയാണ്. ഇതുവഴി കടന്നു പോകാൻ യാ​ത്ര​ക്കാർ വളരെയധികം ബുദ്ധിമുട്ടനുഭവിക്കുന്നുണ്ട്. നിരവധി കെ.എ​സ്.ആർ.ടി.സി , സ്വ​കാ​ര്യ ബ​സു​ക​ളും മ​റ്റു വാ​ഹ​ന​ങ്ങ​ളും ഈ പാ​ല​ത്തിലൂടെ ക​ട​ന്നു​പോ​കു​ന്നുണ്ട്.