പ​ത്ത​നാ​പു​രം: പത്തനാപുരത്തെ കാർഷിക മേഖലയ്ക്ക് ഭീഷണിയായി ആഫ്രിക്കൻ ഒച്ചുകളുടെ സാന്നിദ്ധ്യം. ത​ല​വൂർ, ക​മു​കും​ചേ​രി, പ​ത്ത​നാ​പു​രം, മ​ഞ്ച​ള്ളൂർ, ന​ടു​ക്കു​ന്ന് മേ​ഖ​ല​കളാണ് ഒ​ച്ചു​ക​ളു​ടെ ശ​ല്യത്തിൽ വലയുന്നത്. കാർഷിക വിളകളെ കാർന്നുതിന്നുന്ന ഇവ രോഗങ്ങളും പരത്തുന്നതോടെ ജനങ്ങൾ ഭീതിയിലാണ്. വി​ള​ക്കു​ടി, മേ​ലി​ല, വെ​ട്ടി​ക്ക​വ​ല പ​ഞ്ചാ​യ​ത്തു​ക​ളി​ലെ അ​തിർ​ത്തി ഗ്രാ​മ​ങ്ങ​ളെ​ല്ലാം ഒ​ച്ചു​ക​ളു​ടെ പി​ടി​യി​ലാ​ണ്. ര​ണ്ടുവർ​ഷം മു​മ്പാ​ണ് ക​മു​കം​ചേ​രി മേ​ഖ​ല​യിൽ ഒ​ച്ചു​ക​ളു​ടെ സാ​ന്നി​ദ്ധ്യം ക​ണ്ടുതു​ട​ങ്ങി​യ​ത്​. സ​സ്യ​ങ്ങ​ളെ പൂർ​ണ്ണ​മാ​യും ന​ശി​പ്പി​ക്കു​ന്ന ഇ​വ​യ്​ക്ക് റ​ബ്ബ​റി​ന്റെ പാൽ വ​രെ ഊ​റ്റി​യെ​ടു​ക്കാൻ ക​ഴി​വു​ണ്ട്. പല കാർഷിക വിളകളും ഒച്ചുകളുടെ ആക്രമണത്തിൽ കരിഞ്ഞുണങ്ങിത്തുടങ്ങി. വിളകളുടെ ചുവട്ടിൽ ഉപ്പ് വിതറിയാണ് പലരും ഇവയെ തുരത്തുന്നത്.

വി​ള​ക്കു​ടി പ​ഞ്ചാ​യ​ത്തിൽ ക​ഴി​ഞ്ഞ വർ​ഷം കൃഷി, മൃ​ഗ​സം​ര​ക്ഷ​ണ വ​കു​പ്പു​കൾ സം​യു​ക്ത​മാ​യി ഒ​ച്ച് ന​ശീ​ക​ര​ണ പ്ര​വർ​ത്ത​ന​ങ്ങൾ ന​ട​ത്തി​യി​രു​ന്നു. കർ​ഷ​കർ​ക്ക് ആ​ഫ്രി​ക്കൻ ഒ​ച്ചു​ക​ളെ ന​ശി​പ്പി​ക്കു​ന്ന​തി​നു​ള്ള ജൈ​വ മി​ശ്രി​ത​ത്തി​ന്റെ നിർ​മ്മാ​ണം, തു​രി​ശും പു​ക​യി​ല​യും ചേർ​ന്നു​ള്ള കീ​ട​നി​യ​ന്ത്ര​ണ സം​വി​ധാ​നം എ​ന്നി​വ​യിൽ പ​രീ​ശി​ല​ന​വും നൽ​കി. എ​ന്നാൽ ഇവയൊന്നും ഫ​ല​പ്ര​ദ​മാ​യി​ല്ലെന്നാണ് നിലവിലെ അവസ്ഥ സൂചിപ്പിക്കുന്നത്. വേ​നൽ​ക്കാ​ല​ത്ത് മ​ണ്ണി​ന​ടി​യി​ലി​രി​ക്കു​ന്ന ആഫ്രിക്കൻ ഒ​ച്ചു​കൾ മ​ഴ​ക്കാ​ല​ത്താ​ണ് മു​ക​ളി​ലെ​ത്തു​ക. ഇവയിലൂടെ മ​നു​ഷ്യ​ന് ത്വ​ക്ക് രോ​ഗ​ങ്ങ​ളടക്കം ഉ​ണ്ടാ​കു​ന്നു​ണ്ട്. രോ​ഗ​ങ്ങൾ പ​ട​രു​ന്ന സാ​ഹ​ച​ര്യ​ത്തിൽ ആ​രോ​ഗ്യ വ​കു​പ്പും ഗൗ​നി​ക്കു​ന്നി​ല്ല​ന്നും ആ​ക്ഷേ​പ​മു​ണ്ട്.

ആഫ്രിക്കൻ ഒച്ചെന്ന അപകടകാരി

രാക്ഷസ ഒച്ച്,​ ആഫ്രിക്കൻ ഭീമൻ ഒച്ച് എന്നീ അപരനാമങ്ങളിൽ അറിയപ്പെടുന്ന ആഫ്രിക്കൻ ഒച്ച് (അക്കാറ്റിന ഫുലിക്ക) 1970കളിൽ കേരളത്തിൽ പാലക്കാടാണ് ആദ്യമായി കാണപ്പെട്ടത്. സസ്യങ്ങളുടെ ഏത് ഭാഗവും കടിച്ചു വിഴുങ്ങി ജീവിക്കുന്ന ഇവ മണൽ, എല്ല്,​ കോൺക്രീറ്റ് എന്നിവ വരെ ഭക്ഷിക്കാറുണ്ട്. ഇവയുടെ ആക്രമണം മൂലം ചെടികൾ നശിക്കും.

ഇവ ഉത്പാദിപ്പിക്കുന്ന ചെറുവിരകൾ മനുഷ്യരിൽ മസ്തിഷ്കജ്വരത്തിന് കാരണമാകുമെന്ന് സംശയിക്കുന്നുണ്ട്. കൂടാതെ മനുഷ്യരിൽ 'ഇ ഓസിനോ ഫിലിക് മെനിൻജൈറ്റിസ്' എന്ന രോഗം ഉണ്ടാക്കുന്ന എലികളുടെ ശ്വാസകോശങ്ങളിൽ ജീവിക്കുന്ന വിരകളുടെ ഇടക്കാല അതിഥിയും ആഫ്രിക്കൻ ഒച്ചുകളാണ്. പ്രതികൂലാവസ്ഥയിൽ മൂന്ന് വർഷം വരെ തോടിനുള്ളിൽ സമാധി ഇരിക്കാൻ കഴിവുള്ള ഇവയെ നശിപ്പിക്കുന്നത് അത്ര എളുപ്പമല്ല.

 സൂക്ഷ്മതയോടെ നശിപ്പിക്കാം

കറിയുപ്പ് വിതറുകയോ തീറ്റവിഷമായി മീഥൈൽ ഡീഹൈഡ് രാസവസ്തുവോ ഉപയോഗിച്ചാലോ ഇവ കൊല്ലപ്പെടും. അതേസമയം ഇവയുടെ ഉപയോഗം കരയിലും വെള്ളത്തിലുമുള്ള മറ്റ് ജീവികൾക്ക് ഹാനികരമാണ്. അമിതമായ കറിയുപ്പിന്റെ ഉപയോഗം മണ്ണിന്റെ രാസഘടനയിൽ മാറ്റമുണ്ടാക്കി മണ്ണിനെ കൃഷിക്ക് യോജിച്ചതല്ലാതാക്കി തീർക്കുമെന്നും മുന്നറിയിപ്പുണ്ട്. കയ്യുറ ഉപയോഗിച്ച് ശേഖരിക്കുന്ന ഇവയെ പുകയിലക്കഷായം,​ തുരിശ് ലായനി എന്നിവയിൽ ഏതെങ്കിലും ഉപയോഗിച്ചാണ് നശിപ്പിക്കേണ്ടത്. കാബേജിൽ തീറ്റ വിഷം വയ്ക്കുകയുമാകാം.

വി​ള​ക്കു​ടി, മേ​ലി​ല, വെ​ട്ടി​ക്ക​വ​ല പഞ്ചായത്തുകൾ ആഫ്രിക്കൻ ഒച്ചുകളുടെ ഭീഷണിയുടെ നടുവിലാണ്. കർഷകരാണ് ഇവയുടെ ആക്രമണത്തിൽ പൊറുതിമുട്ടുന്നത്. വിവിധ രോഗങ്ങളും പടരുന്നുണ്ട്. ഒ​ച്ചു​ക​ളു​ടെ ശ​ല്യം ഒ​ഴി​വാ​ക്കു​ന്ന​തി​ന് അടിയന്തര ന​ട​പ​ടി വേ​ണം.

സു​ജി ക​മു​കുംചേ​രി, പൊ​തു​പ്ര​വർ​ത്ത​കൻ.

ആഫ്രിക്കൻ ഒ​ച്ചു​കൾ ത്വ​ക്ക് രോ​ഗ​ങ്ങൾ​ക്ക് കാ​ര​ണ​മാ​കു​ന്നുണ്ട്. ഈ സാ​ഹ​ച​ര്യ​ത്തിൽ പ്ര​തി​രോ​ധ ന​ട​പ​ടി​കൾ സ്വീ​ക​രി​ക്കാൻ ആ​രോ​ഗ്യ വ​കു​പ്പ് ത​യ്യാ​റാ​ക​ണം. കാർഷികവിളകളുടെ സംരക്ഷണത്തിന് ഒച്ചുകളെ തുരത്തണം. ഇതിനുള്ള നടപടി സ്വീകരിക്കണം.

ക​മു​കുംചേ​രി ജി. സു​രേ​ഷ് ബാ​ബു, പ്ര​തി​ക​ര​ണ വേ​ദി പ്ര​സി​ഡ​ന്റ്