കൊ​ട്ടി​യം: മ​യ്യ​നാ​ട് ച​ന്ത​മു​ക്ക് - ധ​വ​ള​ക്കു​ഴി റോ​ഡ് ത​കർ​ന്ന് വർ​ഷ​ങ്ങ​ളാ​യിട്ടും പുനർനിർമ്മാണം അ​ന​ന്ത​മാ​യി നീ​ളുന്നു. മ​യ്യ​നാ​ട്ട് നി​ന്ന് എളുപ്പത്തിൽ കൊ​ട്ടി​യ​ത്ത് എ​ത്താ​നു​ള്ള എ​ളു​പ്പ​മാർ​ഗ്ഗ​മായ റോഡിനാണ് ഈ അവസ്ഥ. ഇതുമൂലം മയ്യനാട് പ്രവർത്തിക്കുന്ന വിവിധ സ്കൂളുകളിലെ വിദ്യാർത്ഥികളുൾപ്പെടെ ദുരിതത്തിലായിരിക്കുകയാണ്.

മഴക്കാലമായതിനാൽ റോഡ് തകർന്ന് രൂപം കൊണ്ട കുഴികളിൽ വെള്ളം കെട്ടി നിൽക്കുന്നത് അപകടഭീഷണിയുയർത്തുന്നുണ്ട്. ചെ​റു​തും വ​ലു​തു​മാ​യ നൂ​റ് ക​ണ​ക്കി​ന് വാ​ഹ​ന​ങ്ങ​ളാ​ണ് ദിവസേന ഇ​തുവ​ഴി ക​ട​ന്നുപോ​കു​ന്ന​ത്. ഇ​രു​ച​ക്ര​വാ​ഹ​ന​ങ്ങൾ നി​ത്യ​വും വെ​ള്ള​ക്കെ​ട്ടിൽ മ​റി​ഞ്ഞുവീ​ഴു​ക​യാ​ണ്​.

അതേസമയം ഒ​രു കോ​ടി രൂ​പ​ ചെലവാ​ക്കി റോ​ഡ് പുനർ നിർ​മ്മി​ക്കാൻ ക​രാ​റാ​യതായി സ്ഥാനാർത്ഥികൾ തി​ര​ഞ്ഞെ​ടു​പ്പ് കാ​ല​ത്ത് ഫ്ളക്‌​സ് ബോ​ർഡുകൾ സ്ഥാപിച്ചിരുന്നതായി നാട്ടുകാർ പറയുന്നു. അടിയന്തരമായി റോഡ് പുനർനിർമ്മിക്കാൻ അധികൃതർ നടപടിയെടുക്കണമെന്നാണ് നാട്ടുകാരുടെ ആവശ്യം.