കൊല്ലം: മുതിർന്ന സംഗീത പ്രേമികളുടെ കൂട്ടായ്മയായ സൗണ്ട് ഓഫ് എൽഡേഴ്സിന്റെ പ്രസിഡന്റായി എസ്. രാജേന്ദ്രദാസിനെയും സെക്രട്ടറി ആയി എ. അശോക് കുമാറിനെയും വാർഷിക പൊതുയോഗം തിരഞ്ഞെടുത്തു. മറ്റു ഭാരവാഹികൾ: ഡോ. പി. രാധാഭായി, ക്യാപ്റ്റൻ ക്രിസ്റ്റഫർ ഡികോസ്റ്റ (വൈസ് പ്രസിഡന്റുമാർ), എൻ. സുന്ദരേശൻ, ഷാർക്കി ലൂയീസ്, (ജോ.സെക്രട്ടറിമാർ), ജി. ജയപ്രകാശ് (ട്രഷറർ), പി.സി. രാമചന്ദ്രൻ നായർ, ഡോ. രാജേന്ദ്രൻ, കെ. ശശിധരൻപിള്ള, പി. സുധീർ (എക്സി. കമ്മിറ്റി അംഗങ്ങൾ). ഞായറാഴ്ച കൊല്ലം റെഡ്‌ക്രോസ് സൊസൈറ്റി ഹാളിൽ ചേർന്ന യോഗത്തിൽ പ്രസിഡന്റ് എസ്. രാജേന്ദ്രദാസ് അദ്ധ്യക്ഷത വഹിച്ചു. സെക്രട്ടറി എ. അശോക് കുമാർ പ്രവർത്തന റിപ്പോർട്ടും ട്രഷറർ ജി. ജയപ്രകാശ് വരവ് ചെലവ് കണക്കും ബഡ്ജറ്റും അവതരിപ്പിച്ചു. പ്രൊഫ. കോന്നി ഗോപകുമാർ പ്രമേയം അവതരിപ്പിച്ചു. വൈസ് പ്രസിഡന്റ് ക്യാപ്റ്റൻ
ക്രിസ്റ്റഫർ ഡികോസ്റ്റ സ്വാഗതവും ജോയിന്റ് സെക്രട്ടറി ജി. മാധവൻകുട്ടി നന്ദിയും പറഞ്ഞു. തുടർന്ന് അംഗങ്ങൾ സംഗീത പരിപാടി അവതരിപ്പിച്ചു.