അഞ്ചൽ: ലോക ലഹരിവിരുദ്ധദിനാചരണം വിവിധ പരിപാടികളോടെ ശബരിഗിരി സ്​കൂളിൽ നടത്തി. സ്​കൂൾ അംസംബ്ലിയിൽ കുട്ടികൾ ലഹരിവിരുദ്ധ പ്രതിജ്ഞയെടുത്തു. എൻ.സി.സി ​എയർവിംഗ് കേഡറ്റുകളുടെ നേതൃത്വത്തിൽ അഞ്ചലിൽ റാലി സംഘടിപ്പിക്കുകയും ലഹരി വസ്തുക്കളുടെ ഉപയോഗത്തിന്റെ ദോഷവശങ്ങളെക്കുറിച്ചുള്ള ലഘുലേഖ വിതരണം ചെയ്യുകയും ചെയ്തു. ചെയർമാൻ ഡോ. വി.കെ. ജയകുമാർ, സ്​കൂൾ പ്രിൻസിപ്പൽ എസ്.വി. മാലിനി , എൻ.സി.സി ഓഫീസർ പ്രശാന്ത് എന്നിവർ നേതൃത്വം നൽകി.