കൊല്ലം: കൊല്ലം ബൈപാ​സിലെ അപ​കടങ്ങൾ ഒഴി​വാ​ക്കാൻ ആവ​ശ്യ​മായ സുര​ക്ഷാ​ക്ര​മീ​ക​ര​ണ​ങ്ങൾ ഉറ​പ്പാ​ക്കാൻ സത്വ​ര​നടപടി സ്വീക​രി​ക്കു​മെന്ന് എൻ.​കെ. പ്രേമ​ച​ന്ദ്രൻ എം.പി പറ​ഞ്ഞു. കൊല്ലത്ത് നൽകിയ സ്വീക​ര​ണ​ത്തിന് നന്ദി​ പറയുകയായിരുന്നു അദ്ദേഹം.

സർവീസ് റോഡോ​ടു​കൂ​ടിയ നാലു​വ​രി​ പാ​തയായി കൊല്ലം ബൈപാസ് വിക​സി​പ്പി​ക്കണമെന്ന ആവശ്യം കേന്ദ്ര​സർക്കാ​രിൽ ഉന്ന​യി​ച്ചി​ട്ടു​ണ്ട്. ബൈപാസ് ഉൾപ്പെ​ടെ​യുള്ള ദേശീ​യ​പാത 66ന്റെ വിക​സന പദ്ധതി ദേശീ​യ​പാത മന്ത്രാ​ല​യ​ത്തിന്റെ നിർവ​ഹണ സമിതി ഏറ്റെ​ടു​ത്തി​ട്ടു​ള്ള​തായി കേന്ദ്ര​മന്ത്രി അറി​യി​ച്ചു. വിക​സനം ത്വരി​ത​പ്പെ​ടു​ത്തു​ന്ന​തോ​ടൊപ്പം അപ​കടം ഒഴി​വാ​ക്കു​ന്ന​തിന് മുൻഗ​ണന നൽകും. ബൈപാസ് നിർമ്മാ​ണ​ത്തിന്റെ നിർവ​ഹണ ചുമ​തലയും മേൽനോ​ട്ടവും സംസ്ഥാന പൊതു​മ​രാ​മത്ത് വകു​പ്പി​നാ​ണ്. ദേശീ​യ​പാ​ത​യിലെ അപ​ക​ട​ങ്ങൾ ഒഴി​വാ​ക്കാൻ ആവ​ശ്യ​മായ സുര​ക്ഷാ​ക്ര​മീ​ക​ര​ണ​ങ്ങൾ ഏർപ്പെ​ടു​ത്താ​നുള്ള പദ്ധതി കേന്ദ്ര ദേശീ​യ​പാത അതോ​റി​റ്റി​യുടെ അംഗീ​കാ​ര​ത്തി​നായി സംസ്ഥാന സർക്കാർ സമർപ്പി​ക്ക​ണം. 2019 ഫെബ്രു​വരി ഒന്നിന് മുമ്പ് തെരുവ് വിള​ക്കു​കളും സുരക്ഷാ ക്രമീ​ക​ര​ണ​ങ്ങളും ഏർപ്പെ​ടു​ത്തു​മെന്ന് സംസ്ഥാന സർക്കാർ പ്രഖ്യാ​പി​ച്ചെ​ങ്കിലും നാളി​തു​വ​രെ നട​പ്പാ​ക്കി​യി​ട്ടി​ല്ല. അപ​ക​ട​ങ്ങൾ വർദ്ധി​ച്ചു​വ​രുന്ന സാഹ​ച​ര്യ​ത്തിൽ സുരക്ഷാ ക്രമീ​ക​ര​ണ​ങ്ങൾ സത്വ​ര​മായി പൂർത്തീ​ക​രി​ക്കാൻ സംസ്ഥാന സർക്കാർ തയ്യാ​റാ​ക​ണ​മെന്നും എൻ.​കെ. പ്രേമ​ച​ന്ദ്രൻ ആവ​ശ്യ​പ്പെ​ട്ടു.
സ്വീക​രണ പരി​പാടി ഡി.​സി.സി പ്രസി​ഡന്റ് ബിന്ദു​കൃഷ്ണ ഉദ്ഘാ​ടനം ചെയ്തു. യു.​ഡി.​എഫ് ചെയർമാൻ പി.​ആർ. പ്രതാ​പ​ച​ന്ദ്രൻ അദ്ധ്യ​ക്ഷത വഹി​ച്ചു. കുഴിയം ശ്രീകു​മാർ, പ്രസാദ് നാണ​പ്പൻ, കുരീ​പ്പുഴ മോഹ​നൻ, അജിത് അന​ന്ത​കൃ​ഷ്ണൻ, ബൈജു മോഹൻ, സായി ഭാസ്‌കർ, പ്രശാ​ന്ത്, എം.​എ​സ്. ഗോപ​കു​മാർ, എം.എ. റഷീ​ദ്, മോഹൻബാ​ബു, സത്താർ, ഉല്ലാസ് എന്നി​വർ പങ്കെടുത്തു. കൺവീ​നർ ആർ. സുനിൽ സ്വാഗതം പറഞ്ഞു. കോട്ട​യ​ത്തു​ക​ട​വിൽ ആരംഭിച്ച സ്വീക​രണം അഷ്ട​മു​ടി​മു​ക്കിൽ സമാ​പി​ച്ചു.