തിരുവനന്തപുരം : പൊലീസ് തലപ്പത്ത് വൻ അഴിച്ചുപണി. ഐ.ജി റാങ്കിലുള്ള ഉദ്യോഗസ്ഥരുടെ നേതൃത്വത്തിൽ തിരുവനന്തപുരം, കൊച്ചി കമ്മീഷണറേറ്റുകൾ രൂപീകരിച്ചു. പുതിയ തിരുവനന്തപുരം കമ്മീഷണറേറ്റിലെ കമ്മീഷണറായി ഐജി ദിനേന്ദ്ര കശ്യപിനെ നിയമിച്ചു. നിലവിൽ തിരുവനന്തപുരം റേഞ്ച് ഐ.ജിയായിരുന്നു ദിനേന്ദ്ര കശ്യപ്. ഐ.ജി വിജയ് സാഖറേയേക്കാണ് കൊച്ചി കമ്മീഷണറേറ്റിന്റെ ചുമതല. സാഖ്‌റേ കൊച്ചി റേഞ്ച് ഐ.ജിയായിരുന്നു. കമ്മീഷണറേറ്റ് രൂപീകരിച്ചു കൊണ്ടുള്ള ഉത്തരവിൽ ഇന്നലെ രാത്രിയോടെ മുഖ്യമന്ത്രി ഒപ്പിട്ടു.
ഇനിമുതൽ സംസ്ഥാന പൊലീസ് മേധാവിക്ക് കീഴിലെ ഒരു എ.ഡി.ജി.പിക്കായിരിക്കും ക്രമസമാധാന ചുമതല. എ.ഡി.ജി.പിക്ക് കീഴിൽ വടക്ക്‌തെക്ക് മേഖലയിൽ രണ്ട് ഐ.ജിമാരും ഇവർക്ക് താഴെ നാല് റേഞ്ച് ഡി.ഐ.ജിമാരുമാണുണ്ടാകുക. ഷേക് ദർവേഷ് സാഹിബാണ് ക്രമസമാധാന ചുമതലയുള്ള എ.ഡി.ജി.പി. മനോജ് ഏബ്രാഹാം പൊലീസ് ആസ്ഥാനത്തെ എ.ഡി.ജി.പിയാകും. ദക്ഷിണ മേഖലാ ഐജിയായി എം.ആർ. അജിത്ത്കുമാറിനെയും ഉത്തരമേഖലാ ഐജിയായി അശോക് യാദവിനെയും നിയമിച്ചു.
എക്‌സൈസ് കമീഷണറായ ഋഷിരാജ്സിംഗ് ജയിൽ മേധാവിയാകും. പൊലീസ് ആസ്ഥാനത്തെ എ.ഡി.ജിപിയായിരുന്ന ആനന്തകൃഷ്ണൻ എക്‌സൈസ് കമീഷണറാകും. നിലവിലെ ജയിൽ മേധാവി ഡി.ജി.പി ആർ. ശ്രീലേഖയെ സോഷ്യൽ പൊലീസിംഗ് ആൻഡ് ട്രാഫിക് ആയി നിയമിച്ചു. എ.ഡി.ജി.പി പത്മകുമാറിനെ കോസ്റ്റൽ പൊലീസിലേക്കും ടോമിൻ.ജെ.തച്ചങ്കരിയെ ബറ്റാലിയൻ ഡി.ജി.പിയായും നിയമിച്ചു. എ.ഡി.ജി.പി ബി.സന്ധ്യയാണ് കേരള പൊലീസ് അക്കാഡമി ട്രെയിനിംഗ് എ.ഡി.ജി.പി. നിലവിൽ തിരുവനന്തപുരം സിറ്റി പൊലീസ് കമീഷണറായിരുന്ന സഞ്ജയ് കുമാർ ഗുരുദിൻ തിരുവന്തപുരം റേഞ്ച് ഡി.ഐ.ജിയാവും. തിരുവന്തപുരം അഡീഷണൽ സിറ്റി കമീഷണറുടെ ചുതമലയും ഇദ്ദേഹത്തിനായിരിക്കും. തൃശൂർ റേഞ്ച് ഐ.ജി ബൽറാംകുമാർ ഉപാദ്ധ്യായെ ഹെഡ്ക്വാർട്ടേഴ്സ് ഐ.ജിയായും ബറ്റാലിയൻ ഐ.ജി ഇ.ജെ.ജയരാജിനെ കോഴിക്കോട് ക്രൈംബ്രാഞ്ച് ഐ.ജിയായും നിയമിച്ചു
മറ്റ് മാറ്റങ്ങൾ :
കാളിരാജ് മഹേഷ്‌കുമാർ ( കൊച്ചി റേഞ്ച് ഡി.ഐ.ജി) എസ്. സുരേന്ദ്രൻ ( തൃശൂർ ഡി.ഐ.ജി)
കെ. സേതുരാമാനൻ (കണ്ണൂർ ഡി.ഐ.ജി ഐ.ജി) ജി.ലക്ഷ്മണൻ( എസ്.സി.ആർ.ബി ഐ.ജി) ഡി.ഐ.ജി അനൂപ് കുരുവിള (ട്രെയിനിംഗ് ഡി.ഐ.ജി) എ.അക്ബർ( ഡി.ഐ.ജി സെക്യൂരിറ്റി). കെ.പി.ഫിലിപ്പ് ( കൊച്ചി സിറ്റി അഡീഷണൽ കമീഷണർ). മെർലിൻ ജോസഫ് (കൊല്ലം സിറ്റി പൊലീസ് കമീഷണർ) കെ.ജി.സൈമൺ (കോഴിക്കോട് റൂറൽ എസ്.പി ) രാഹുൽ ആർ.നായർ ( എ.ഐ.ജി പൊലീസ് ആസ്ഥാനം )വി.കെ.മധു ( തൃശൂർ സിറ്റി കമീഷണർ ) യതീഷ് ചന്ദ്ര (എസ്.പി ഹെഡ് ക്വാർട്ടേഴ്സ് മുഴുവൻ സൈബർ കേസുകളുടെയും ചുമതല) പ്രതീഷ്‌കുമാർ (കണ്ണൂർ എസ്.പി) ശിവവിക്രം (പാലക്കാട് ) ടി. നാരായണൻ (മലപ്പുറം), യു. അബ്ദുൽ കരീം (എം.എസ്.പി അഡീഷനൽ ചാർജ് കെ.എ.പി 4) കറുപ്പ് സ്വാമി (എ.എ.ഐ.ജി , പൊലീസ് ആസ്ഥാനം) ശിവകാർത്തിക് (എറണാകുളം റൂറൽ എസ്.പി ) പി.എ.സാബു (കോട്ടയം) ഹരിശങ്കർ (കൊല്ലം റൂറൽ ) മഞ്ജുനാഥ് (വയനാട് എസ്.പി) പൂങ്കുഴലി (ഡി.സി.പി ലാ ആൻഡ് ഓഡർ കൊച്ചി സിറ്റി ), ഹിമേന്ദ്രനാഥ് (എസ്.പി വിജിലൻസ് തിരുവന്തപുരം ) സാം ക്രിസ്റ്റി ഡാനിയൽ (അഡീഷനൽ എക്‌സൈസ് കമീഷണർ)