ലണ്ടൻ: പങ്കാളിയിൽ നിന്ന് മോശമായ അനുഭങ്ങൾ ഉണ്ടാകുന്നതാണ് പലപ്പോഴും വിവാഹമോചനത്തിന് കാരണം. വിവാഹമോചനം കഴിഞ്ഞാൽ പങ്കാളിയെക്കുറിച്ചുള്ള എല്ലാ ഒാർമ്മകളും ഇല്ലാതാക്കാൻ ആഗ്രഹിക്കുന്നവരാണ് ഏറെയും.എന്നാൽ വിവാഹബന്ധം വേർപ്പെടുത്തിയ ശേഷം വിവാഹവസ്ത്രം ധരിച്ച് ആഘോഷിക്കുകയാണ് രണ്ട് ആത്മാർത്ഥ സുഹൃത്തുക്കൾ.

ഹെയർസ്‌റ്റെലിസ്റ്റായ സാറയും ജൂലിയും വി​വാഹത്തി​നുമുമ്പുതന്നെ അടുത്ത സുഹൃത്തുക്കളാണ് . വിവാഹം കഴി​ഞ്ഞ് അധി​കം വൈകാതെ ഭർത്താക്കന്മാർ തങ്ങളെ ചതിക്കുകയാണെന്ന് ഇരുവരും തി​രി​ച്ചറി​ഞ്ഞു. ഇനി​ ഒരുമി​ച്ച് ജീവി​ക്കുന്നതി​ൽ കാര്യമി​ല്ലെന്ന് വ്യക്തമായതോടെ പി​രി​യാൻ തീരുമാനി​ച്ചു.

വി​വാഹമോചനം എങ്ങനെ അടി​പൊളി​യാക്കാമെന്നായി​ അവരുടെ ചി​ന്ത. വിവാഹവസ്ത്രങ്ങൾ ധരിച്ച് രാത്രി​യി​ൽ പുറത്തുപോകുന്നത് പതി​വാക്കി​. ഒപ്പം വിവാഹവസ്ത്രങ്ങൾ ധരിച്ച് നി​രവധി​ ഫോട്ടോഷൂട്ടും നടത്തി​. ഫോട്ടോഷൂട്ട് ചിത്രങ്ങൾ പങ്കുവയ്ക്കാൻ മാത്രമായി​ ഇവർ ഒരു ഇൻസ്റ്റഗ്രാം പേജും തുടങ്ങി. വിവാഹമോചിതരായ ശേഷം എങ്ങനെ ജീവിക്കുമെന്നും ഈ സാഹചര്യങ്ങൾ എങ്ങനെ അഭിമുഖീകരിക്കും എന്നകാര്യത്തെക്കുറി​ച്ച് ചി​ന്തി​ച്ച് സങ്കടപ്പെടാതെ വിവാഹമോചനം ഒരു പുതിയ തുടക്കമായി​ കാണണമെന്നാണ് ഇവർ പറയുന്നത്. ഇൻസ്റ്റഗ്രാം പേജിലെ ചിത്രങ്ങൾ വിവാഹമോചനം നേടുന്ന പല സ്ത്രീകളും അഭിമുഖികരിക്കുന്ന പ്രശ്‌നങ്ങൾക്ക് പരിഹാരം കണ്ടെത്താൻ ധൈര്യം പകരും എന്നാണ് സാറയും ജൂലി​യും പറയുന്നത്. ഇൻസ്റ്റാഗ്രാമി​ൽ ഇവരുടെ ഫോളോവേഴ്സി​ന്റെ എണ്ണം നാൾക്കുനാൾ കൂടി​വരി​കയാണ്.