ചിറയിൻകീഴ്: സഭവിള ശ്രീനാരായണാശ്രമത്തിലെ 193-ാമത് സത്സംഗത്തിനോടനുബന്ധിച്ച് കുട്ടികൾക്കുള്ള ധനസഹായ വിതരണോദ്ഘാടനം എസ്.എൻ ട്രസ്റ്റ് ലൈഫ് മെമ്പർ ഡോ. ബി. സീരപാണി നിർവഹിച്ചു. ശാഖാ പ്രസിഡന്റ് വി. സുഭാഷിന്റെ അദ്ധ്യക്ഷതയിൽ നടന്ന ചടങ്ങിൽ വനിതാസംഘം ഭാരവാഹികളായ ഗീതാസിദ്ധാർത്ഥ്, സുനിത തിലകൻ, ഷീല സോമൻ, വിജയ, സുചിത്ര, ബീന ഉദയകുമാർ, ഉദയ, കമ്മിറ്റി അംഗം ഗോപി തെക്കതിൽ, രാജീവ് അടുന്നിലശ്ശേരി എന്നിവർ പങ്കെടുത്തു. ശാഖാ വൈസ് പ്രസിഡന്റ് ഷീജാ സുധീശൻ സ്വാഗതവും ശാഖ സെക്രട്ടറി ഡി. ജയതിലകൻ നന്ദിയും പറഞ്ഞു.