ആറ്റിങ്ങൽ: ഡെപ്യൂട്ടി സ്പീക്കർ വി. ശശിയുടെ ആസ്തിവികസന ഫണ്ടിൽ നിന്നും അനുവദിച്ച 25 ലക്ഷം രൂപ ഉപയോഗിച്ച് കിഴുവിലം ഗവ. യു.പി.എസിൽ നിർമ്മിച്ച പാചക പുര, ഭക്ഷണഹാൾ, സ്കൂൾ ബസ് എന്നിവയുടെ ഉദ്ഘാടനം ഡെപ്യൂട്ടി സ്പീക്കർ വി. ശശി നിർവഹിച്ചു. ബ്ലോക്ക് പഞ്ചായത്ത് പ്രസിഡന്റ് ആർ. സുഭാഷ് മുഖ്യ പ്രഭാഷണം നടത്തി. ജില്ലാ പഞ്ചായത്ത് മെമ്പർ ആർ. ശ്രീകണ്ഠൻ നായർ, കിഴുവിലം ഗ്രാമ പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർമാനും സ്കൂൾ പി.ടി.എ പ്രസിഡന്റുമായ ജി. ഗോപകുമാർ, ബ്ലോക്ക് പഞ്ചായത്ത് മെമ്പർ എസ്. ചന്ദ്രൻ, വാർഡ‌് മെമ്പർമാരായ ജി. ഗിരീഷ് കുമാർ, എസ്. വനജകുമാരി, എ.ഇ.ഒ ശ്രീലേഖ, എസ്.എം.സി ചെയർമാൻ അഡ്വ. കെ.എസ്. പ്രകാശ്, ബി.പി.ഒ പി. സജി, ജി. തുളസീദാസ്, കിഴുവിലം രാധാകൃഷ്ണൻ, അബ്ദുൽ റഷീദ്, ഹെഡ്മാസ്റ്റർ എസ്. സതീഷ് കുമാർ, ബാലമുരളീകൃഷ്ണൻ എന്നിവർ സംസാരിച്ചു. സ്കൂൾ ഹൈടെക് ആക്കുന്നതിന്റെ തറക്കല്ലിടൽ കർമ്മവും ഡെപ്യൂട്ടി സ്പീക്കർ നിർവഹിച്ചു.