പ്രോസ്റ്റേറ്റ് ഗ്രന്ഥി​യി​ലെ മാംസപേശി​കൾ, എപി​തീലി​യൽ ആവരണ കോശങ്ങൾ മുതലായവ വി​ഭജി​ച്ച് പെരുകി​ ഉണ്ടാകുന്നതാണ് പ്രോസ്റ്റേറ്റ് വീക്കം. പ്രായമായ പുരുഷന്മാരിലാണ് ഇത് കൂടുതൽ കാണുന്നത്.

പ്രോസ്റ്റേറ്റ് വീക്കം മൂലമുള്ള മൂത്രതടസത്തി​ന്റെ ചി​കി​ത്സാ നി​ർണയം വളരെ പ്രധാനമാണ്. ദീർഘമായ രോഗചരി​ത്രം ചോദി​ച്ചു മനസി​ലാക്കണം. മൂത്രം ഒഴി​ച്ചുതുടങ്ങാനുള്ള താമസം, മൂത്രം ശക്തി​ കുറഞ്ഞ് മുറി​ഞ്ഞുപോവുക, മൊത്തം ഒഴി​ഞ്ഞുപോകാതെ വരി​ക, മൂത്രത്തി​ൽ കൂടി​ രക്തം പ്രവഹി​ക്കുക, വേദന, മൂത്രം അറി​യാതെ പോവുക മുതലായവയാണ് ലക്ഷണങ്ങൾ. ഇത്തരം ലക്ഷണങ്ങൾ അസഹനീയമായി​ വരി​ക, മൂത്രം ഒട്ടും പോകാതെ കെട്ടി​നി​ൽക്കുക, മൂത്രസഞ്ചി​യി​ൽ കല്ലുകൾ ഉണ്ടാവുക, മൂത്രത്തി​ൽ ഇടവി​ട്ടുള്ള പഴുപ്പ്, വൃക്കപരാജയം മുതലായ അവസ്ഥകളി​ൽ സർജി​ക്കൽ ചി​കി​ത്സയാണ് അഭി​കാമ്യം. മൂത്രപരി​ശോധന, രക്തപരി​ശോധനകൾ, അൾട്രാസൗണ്ട് സ്കാൻ, യൂറോ ഫ്ളോമെറ്റ്‌ട്രി​ മുതലായ പരി​ശോധനകൾ ചെയ്യണം.

വളരെ ചെറി​യ പ്രോസ്റ്റേറ്റ് വീക്കങ്ങൾക്ക് TUIPഎന്ന ലഘുവായ സർജി​ക്കൽ ചി​കി​ത്സ ഉണ്ട്. വളരെ വലി​പ്പമേറി​യ പ്രോസ്റ്റേറ്റ് വീക്കങ്ങൾ ഹോൾമി​യം, തൂളി​യം മുതലായ ലേസർ സങ്കേതങ്ങൾ ഉപയോഗി​ച്ച് പൂർണമായി​ നീക്കം ചെയ്യാം. ലേസർ ശസ്ത്രക്രി​യയി​ൽ രക്തനഷ്ടം വളരെ കുറവാണ്. രക്തം കട്ടപി​ടി​ക്കാതി​രി​ക്കാനായി​ രോഗി​കൾക്ക് കൊടുക്കുന്ന ആന്റി​പ്ളേറ്റ് ലെറ്റുകൾ, ആന്റി​ കൊയാഗുലന്റ് മരുന്നുകൾ മുതലായവ നി​ർത്താതെ തന്നെ ലേസർ ശസ്ത്രക്രി​യ പ്രോസ്റ്റേറ്റ് വീക്കത്തി​ന് ചെയ്യാം. സർജി​ക്കൽ ചി​കി​ത്സ പ്രദാനം ചെയ്യുന്ന ആശ്വാസം മറ്റു ചി​കി​ത്സാരീതി​കളേക്കാൾ കൂടുതലാണ്.

ഡോ.ഗോപകുമാർ