തിരുവനന്തപുരം: ഇന്ദിരാഗാന്ധി നാഷണൽ ഓപ്പൺ യൂണിവേഴ്‌സി​റ്റിയുടെ (ഇഗ്നോ) എം.ബി.എ, ബി.എഡ് കോഴ്സുകളിലേക്കുള്ള പ്രവേശന പരീക്ഷ ജൂലായ് 27ന് നടത്തും. നാഷണൽ ടെസ്​റ്റിംഗ് ഏജൻസിക്കാണ് പരീക്ഷാ നടത്തിപ്പിന്റെ ചുമതല. www.ntaignou.nic.in ൽ അപേക്ഷ സമർപ്പിക്കാം. വിശദവിവരങ്ങൾ www.ignou.ac.in ൽ. 50 ശതമാനം മാർക്കോടെ ബിരുദമോ ബിരുദാന്തര ബിരുദമോ 55 ശതമാനം മാർക്കോടെ എൻജിനിയറിംഗ് /ടെക്‌നിക്കൽ ബിരുദമുള്ള എലിമെന്ററി അദ്ധ്യാപകർക്കും എൻ.സി.ടി.ഇ അംഗീകൃത റഗുലർ ട്രെയിനിംഗ് പ്രോഗ്രാമുകൾ കഴിഞ്ഞവർക്കും ബി. എഡ് പ്രവേശന പരീക്ഷയ്ക്ക് അപേക്ഷിക്കാം. 50 ശതമാനം മാർക്കോടെ ബിരുദം നേടിയവർക്ക് മാനേജ്മെന്റ് പ്രോഗ്രാമിന്റെ പ്രവേശന പരീക്ഷയായ ഓപ്പൺ മാ​റ്റിന് അപേക്ഷിക്കാം. പ്രവേശനപരീക്ഷ എഴുതാതെ ഹ്യൂമൺ റിസോഴ്സ് മാനേജ്മെന്റ്, ഫിനാൻഷ്യൽ മാനേജ്‌മെന്റ്, ഓപ്പറേഷൻസ് മാനേജ്മെന്റ്, മാർക്ക​റ്റിംഗ് മാനേജ്മെന്റ്, ഫിനാൻഷ്യൽ മാർക്ക​റ്റിംഗ് പ്രാക്ടീസ് വിഷയങ്ങളിൽ സ്‌പെഷ്യലൈസേഷൻ പി.ജി ഡിപ്ലോമയ്ക്ക് അപേക്ഷിക്കാം. പോസ്​റ്റ് ഗ്രാജ്വേറ്റ് സ്‌പെഷ്യലൈസേഷൻ ഡിപ്ലോമ പൂർത്തിയാക്കുന്നവർക്ക് ഓപ്പൺ മാ​റ്റ് എൻട്രൻസ് എഴുതി പൂർത്തിയാക്കിയ കോഴ്‌സുകളുടെ ക്രെഡി​റ്റ് ട്രാൻസ്ഫർ ചെയ്ത് എം.ബി.എയ്ക്ക് ചേരാം. അപേക്ഷിക്കാനുള്ള അവസാന തീയതി ജൂലായ് 1. കൂടുതൽ വിവരങ്ങൾ ഇഗ്‌നോ മേഖലാ കേന്ദ്രം, രാജധാനി കോംപ്ലക്‌സ്, കിള്ളിപ്പാലം, കരമന പി. ഒ, തിരുവന്തപുരം 695002 വിലാസത്തിൽ ലഭിക്കും. ഫോൺ : 0471 2344120, 9447044132