തിരുവനന്തപുരം: സെമസ്റ്ററിൽ 90 അദ്ധ്യയന ദിവസങ്ങൾ ലഭ്യമാക്കാതെ വേഗത്തിൽ പരീക്ഷകൾ നടത്തും വിധത്തിലുള്ള കേരള യൂണിവേഴ്‌സി​റ്റിയുടെ പുതിയ പരീക്ഷാ ടൈംടേബിൾ വിദ്യാർത്ഥികളെ മാനസിക സമ്മർദ്ദത്തിലാക്കുന്നു. കഴിഞ്ഞ അദ്ധ്യയന വർഷം പരീക്ഷ കൃത്യസമയത്ത് നടത്താത്തതിന്റെ പേരിൽ സെമസ്​റ്റർ പരീക്ഷകൾ ഒരു മാസം പോലും ഇടവേളയില്ലാതെ എഴുതേണ്ട അവസ്ഥയിലാണ് വിദ്യാർത്ഥികൾ. എൽ എൽ.ബി വിദ്യാർത്ഥികൾക്കാണ് ഏറെ ബുദ്ധിമുട്ട്. സെമിനാർ,അസൈൻമെന്റ് അടക്കം ഈ കാലയളവിൽ ചെയ്യേണ്ടി വരുമ്പോൾ പരീക്ഷയ്ക്ക് പഠിക്കാൻ സമയം കിട്ടാതെ വരും. ഓരോ സെമസ്​റ്ററിലും 90 അദ്ധ്യയന ദിവസം വേണമെന്നതും പരീക്ഷകൾക്കിടയിൽ കൃത്യമായ ഇടവേള പാലിക്കണമെന്നതും ലംഘിച്ചുള്ളതാണ് പുതിയ ടൈംടേബിളെന്ന് വിദ്യാർത്ഥികൾ പറയുന്നു.എൽഎൽ.ബി ആദ്യ സെമസ്​റ്റർ പരീക്ഷ എഴുതാൻ പ​റ്റാത്തതോ പരാജയപ്പെട്ടതോ ആയ വിദ്യാർത്ഥികൾക്ക് രണ്ടാം സെമസ്​റ്റർ പരീക്ഷയുടെ നാല് ദിവസം കഴിഞ്ഞയുടൻ ഒന്നാം സെമസ്​റ്റർ പരീക്ഷ എഴുതണം

അതിനു ശേഷം 20 ദിവസത്തിനുള്ളിൽ മൂന്നാം സെമസ്​റ്റർ പരീക്ഷ എഴുതണം