ലണ്ടൻ : പാകിസ്ഥാനെതിരായ ലോകകപ്പ് മത്സരത്തിലും ദക്ഷിണാഫ്രിക്കയ്ക്ക് തോൽവി. ഇന്നലെ ലോഡ്സിൽ ടോസ് നേടി ബാറ്റിംഗിനിറങ്ങിയ പാകിസ്ഥാൻ നിശ്ചിത 50 ഒാവറിൽ ഏഴ് വിക്കറ്റ് നഷ്ടത്തിൽ 308 റൺസിലെത്തിയപ്പോൾ ദക്ഷിണാഫ്രിക്കയുടെ മറുപടി 259/9 എന്ന സ്കോറിലൊതുങ്ങി.ഇൗ ലോകകപ്പിലെ ദക്ഷിണാഫ്രിക്കയുടെ അഞ്ചാം തോൽവിയാണിത്. ഇതോടെ ഏഴ് മത്സരങ്ങളിൽ നിന്ന് മൂന്ന് പോയിന്റ് മാത്രമായ അവർ സെമികാണാതെ പുറത്തായി.ആറ് മത്സരങ്ങളിലെ രണ്ടാം വിജയവുമായി അഞ്ചുപോയിന്റിലെത്തിയ പാകിസ്ഥാൻ ഏഴാം സ്ഥാനത്തേക്കുയർന്നു.

ഒാപ്പണർമാരായ ഇമാം ഉൽ ഹഖും (44), ഫഖർ സമാനും (44) നൽകിയ തുടക്കവും മദ്ധ്യനിരയിൽ ബാബർ അസമും (69) ഹാരീസ് സൊഹൈലും (89) നേടിയ അർദ്ധ സെഞ്ച്വറികളുമാണ് പാകിസ്ഥാനെ 300 കടത്തിയത്.

ഒന്നാം വിക്കറ്റിൽ 81 റൺസാണ് ഫഖർ സമാനും ഇമാമും ചേർന്ന് നേടിയത്. 15-ാം ഒാവറിൽ ഇമ്രാൻ താഹിറാണ് സഖ്യം പൊളിച്ചത്. 21-ാം ഒാവറിൽ തകർപ്പനൊരു റിട്ടേൺ ക്യാച്ചിലൂടെ ഇമ്രാൻ തന്നെ ഇമാമിനെയും മടക്കി അയച്ചു. തുടർന്ന് ബാബർ അസം നിലയുറപ്പിക്കവേ മുഹമ്മദ് ഹഫീസ് (20) 30-ാം ഒാവറിൽ മാർക്രമിന്റെ പന്തിൽ വിക്കറ്റിന് മുന്നിൽ കുരുങ്ങി മടങ്ങി ഇതോടെ പാകിസ്ഥാൻ 30 ഒാവറിൽ 143/3 എന്ന നിലയിലായി.

തുടർന്ന് ക്രീസിൽ ഒരുമിച്ച് ഹാരീസ് സൊഹൈലും ബാബറും ചേർന്ന് കൂട്ടിച്ചേർത്തത് 81 റൺസാണ്. 80 പന്തുകളിൽ ഏഴ് ബൗണ്ടറികളടക്കം 69 റൺസിലെത്തിയ ബാബറിനെ 42-ാം ഒാവറിൽ പെഹ്‌ലുക്ക്‌വായോയാണ് പുറത്താക്കിയത്. തുടർന്ന് ഇമാദ് വാസിം (23), വഹാബ് റിയാസ് (4) എന്നിവർ കൂടാരം കയറി. 59 പന്തുകളിൽ ഒൻപത് ഫോറുകളും മൂന്ന് സിക്സുകളും പായിച്ച ഹാരീസ് അവസാന ഒാവറിലാണ് പുറത്തായത്. ലുങ്കി എൻഗിഡിക്ക് മൂന്ന് വിക്കറ്റുകൾ ലഭിച്ചു. ഇമ്രാൻ താഹിറിന് രണ്ടും.

മ​റു​പ​ടി​ക്കി​റ​ങ്ങി​യ​ ​ദ​ക്ഷി​ണാ​ഫ്രി​ക്ക​യ്ക്ക് ​തു​ട​ക്ക​ത്തി​ൽ​ത്ത​ന്നെ​ ​ഒാ​പ്പ​ണ​ർ​ ​ഹാ​ഷിം​ ​അം​ല​യെ​ ​(2​)​ന​ഷ്ട​മാ​യി​രു​ന്നു.​ര​ണ്ടാം​ ​ഒാ​വ​റി​ൽ​ ​ത​ന്റെ​ ​ആ​ദ്യ​ ​പ​ന്തി​ൽ​ത്ത​ന്നെ​ ​പാ​ക് ​പേ​സ​ർ​ ​മു​ഹ​മ്മ​ദ് ​ആ​മി​ർ​ ​അം​ല​യെ​ ​എ​ൽ.​ബി​യി​ൽ​ ​കു​രു​ക്കു​ക​യാ​യി​രു​ന്നു.​ ​തു​ട​ർ​ന്ന് ​ക്രീ​സി​ലെ​ത്തി​യ​ ​നാ​യ​ക​ൻ​ ​ഡു​പ്ളെ​സി​ ​(63​)​ ​ഒാ​പ്പ​ണ​ർ​ ​ഡി​കോ​ക്കി​നൊ​പ്പം​(47​)​ ​ര​ണ്ടാം​ ​വി​ക്ക​റ്റി​ൽ​ ​കൂ​ട്ടി​ച്ചേ​ർ​ത്ത​ 87​ ​റ​ൺ​സ് ​ദ​ക്ഷി​ണാ​ഫ്രി​ക്ക​ൻ​ ​ഇ​ന്നിം​ഗ്സി​ന് ​ക​രു​ത്ത് ​പ​ക​ർ​ന്നു.​ ​എ​ന്നാ​ൽ​ 20​-ാം​ ​ഒാ​വ​റി​ൽ​ ​ടീം​ ​സ്കോ​ർ​ 91​ൽ​ ​വ​ച്ച് ​ഡി​കോ​ക്കി​നെ​ ​ഷ​ദാ​ബ് ​ഖാ​ൻ​ ​മ​ട​ക്കി​ ​അ​യ​ച്ചു.​പ​ക​ര​മി​റ​ങ്ങി​യ​ ​എ​യ്ഡ​ൻ​ ​മാ​ർ​ക്ര​മും​ ​(7​)​ 24​-ാം​ ​ഒാ​വ​റി​ൽ​ ​ഷ​ദാ​ബി​ന് ​കീ​ഴ​ട​ങ്ങി​ .30​-ാം​ ​ഒാ​വ​റി​ൽ​ ​ടീം​ ​സ്കോ​ർ​ 136​ലെ​ത്തി​യ​പ്പോ​ൾ​ ​നാ​യ​ക​നും​ ​കൂ​ടാ​രം​ ​ക​യ​റി.​ആ​മി​റാ​ണ് ​ഡു​പ്ളെ​സി​യെ​ ​ ​സ​ർ​ഫ്രാ​സി​ന്റെ​ ​ക​യ്യി​ലെ​ത്തി​ച്ച​ത്.ഇതോടെ ദക്ഷിണാഫ്രിക്ക 136/4 എന്ന നിലയിലായി.

തുടർന്ന് വാൻഡെർ ഡ്യൂസനും(36) മില്ലറും (31) പൊരുതിനോക്കിയെങ്കിലും 40-ാം ഒാവറിൽ വാൻഡെർ ഡ്യൂസനെ പുറത്താക്കി ഷദാബ് ജയിക്കാനുള്ള അവസാന സാദ്ധ്യതയും തല്ലിക്കൊഴിച്ചു. മില്ലർ അടുത്തഒാവറിൽ ഷഹീൻ ഷാ അഫ്രീദിയുടെ പന്തിൽ കൂടാരം കയറി. തുടർന്ന് പെഹ്‌ലുക്ക്‌വായോ (46*) ആഞ്ഞടിക്കാൻ ശ്രമിച്ചെങ്കിലും ക്രിസ് മോറിസ് (16),റബാദ (3),എൻഗിഡി (1) എന്നിവരെ വഹാബ് റിയാസ് പുറത്താക്കി.