സാ​വോ​പോ​ളോ​ ​:​ ​ക​ഴി​ഞ്ഞ​ ​മ​ത്സ​ര​ത്തി​ൽ​ ​വെ​നി​സ്വേ​ല​യോ​ട് ​ഗോ​ൾ​ ​ര​ഹി​ത​ ​സ​മ​നി​ല​ ​വ​ഴ​ങ്ങേ​ണ്ടി​വ​ന്ന​ ​ആ​തി​ഥേ​യ​രാ​യ​ ​ബ്ര​സീ​ൽ​ ​ഗ്രൂ​പ്പ് ​എ​യി​ലെ​ ​അ​വ​സാ​ന​ ​മ​ത്സ​ര​ത്തി​ൽ​ ​പെ​റു​വി​നെ​ ​എ​തി​രി​ല്ലാ​ത്ത​ ​അ​ഞ്ചു​ഗോ​ളു​ക​ൾ​ക്ക് ​കീ​ഴ​ട​ക്കി​ ​കോ​പ്പ​ ​അ​മേ​രി​ക്ക​ ​ഫു​ട്ബാ​ൾ​ ​ടൂ​ർ​ണ​മെ​ന്റി​ൽ​ ​ക്വാ​ർ​ട്ട​ർ​ ​ഫൈ​ന​ലി​ലെ​ത്തി.
കൊ​രി​ന്ത്യ​ൻ​സ് ​അ​രീ​ന​യി​ൽ​ ​ന​ട​ന്ന​ ​മ​ത്സ​ര​ത്തി​ൽ​ ​കാ​സി​ബ​റോ,​ ​റോ​ബ​ർ​ട്ടോ​ ​ഫി​ർ​മി​നോ,​ ​എ​വ​ർ​ട്ട​ൺ​ ,​ ​ഡാ​നി​ ​ആ​ൽ​വ്സ്,​ ​വി​ല്ലെ​യ്ൻ​ ​എ​ന്നി​വ​രാ​ണ് ​ബ്ര​സീ​ലി​ന് ​വേ​ണ്ടി​ ​സ്കോ​ർ​ ​ചെ​യ്ത​ത്.​ ​ആ​ദ്യ​പ​കു​തി​യി​ൽ​ ​മൂ​ന്ന് ​ഗോ​ളു​ക​ൾ​ ​അ​ടി​ച്ചി​രു​ന്ന​ ​ബ്ര​സീ​ൽ​ ​ര​ണ്ടാം​പ​കു​തി​യി​ൽ​ ​ര​ണ്ടു​ഗോ​ളു​ക​ൾ​ ​കൂ​ടി​ ​സ്വ​ന്ത​മാ​ക്കി.​ ​ഇ​തോ​ടെ​ ​ഗ്രൂ​പ്പ് ​റൗ​ണ്ടി​ൽ​ ​ര​ണ്ട് ​വി​ജ​യ​ങ്ങ​ളും​ ​ഒ​രു​ ​സ​മ​നി​ല​യു​മാ​യി​ ഏ​ഴ് ​പോ​യി​ന്റ് ​ നേടി​യാണ് ​ബ്ര​സീ​ൽ ക്വാർട്ടറി​ലെ എട്ട് ടീമുകളി​ലൊന്നായത്.

12-ാം മിനിട്ടിൽ ഒരു കോർണർ ഗോളാക്കാനുള്ള മാർക്വിഞ്ഞോസിന്റെ ശ്രമം തട്ടിത്തെറിച്ചത് ഹെഡ് ചെയ്ത് വലയിലാക്കുകയായിരുന്നു കാസിമെറോ. ബ്രസീലിന്റെ കുപ്പായത്തിൽ കാസിമെറോയുടെ കന്നി ഗോളായിരുന്നു ഇത്.

21-ാം മിനിട്ടിൽ പെറു ഡിഫൻഡർ ഗല്ലേസിന്റെ ക്ളിയറൻസിലെ പിഴവിലൂടെ കിട്ടിയ പന്ത് ഫിർമിനോ വലയിലെത്തിച്ചു.

32-ാം മിനിട്ടിൽ ഫിലിപ്പ് കുടീഞ്ഞോയുടെ പാസിൽനിന്ന് കിട്ടിയ പന്തുമായി വെട്ടിച്ചുകയറിയ എവർട്ടൺ ഗല്ലേസിനെ ഡ്രബിൾ ചെയ്ത് ഗോൾ നേടി.

53-ാം മിനിട്ടിൽ ഫിർമിനോയുമായി കൈമാറി മുന്നേറിയ ശേഷമാണ് ഡാനി ആൽവ്സ് പോസ്റ്റിൽ പന്തെത്തിച്ചത്.

90-ാമിനിട്ടിൽ എവർട്ടന്റെ പാസിൽ നിന്ന് വില്ലെയ്ൻ തൊടുത്ത ഷോട്ടുവലയിൽ കയറി.

ഇൻജുറി ടൈമിനൊടുവിൽ ബ്രസീലിന് ലഭിച്ച പെനാൽറ്റി കിക്ക് ഗബ്രിയേൽ ജീസസ് ഗോളിക്ക് നേരെ അടിച്ചില്ലായിരുന്നുവെങ്കിൽ മഞ്ഞക്കുപ്പായക്കാർ അരഡസൻ തികച്ചേനെ.

36

-ാം വയസിൽ ഗോളടിച്ച ബ്രസീൽ ക്യാപ്ടൻ ഡാനി ആൽവ്സ് കോപ്പയിൽ സ്കോർ ചെയ്യുന്ന ഏറ്റവും പ്രായമേറിയ ബ്രസീലിയൻ താരമായി.

വെനിസ്വേല ക്വാർട്ടറിൽ

കഴിഞ്ഞരാത്രി നടന്ന മറ്റൊരു മത്സരത്തിൽ ബൊളീവിയയെ 3-1ന് തകർത്ത് ഗ്രൂപ്പ് എയിലെ രണ്ടാം സ്ഥാനക്കാരായി വെനിസ്വേല കാർട്ടറിലെത്തി. വെനിസ്വേലയ്ക്കായി മാച്ചിസ് രണ്ട് ഗോളുകളും മാർട്ടിനെസ് ഒരു ഗോളും നേടി. ജസ്റ്റിനിയാനോയാണ് ബൊളീവിയയുടെ ആശ്വാസഗോൾ നേടിയത്. പ്രാഥമിക റൗണ്ടിലെ എല്ലാ മത്സരങ്ങളിലും ബൊളീവിയ ഇതോടെ തോറ്റു.

പോയിന്റ് നില

ടീം, കളി, ജയം, സമനില, തോൽവി, പോയിന്റ് എന്ന ക്രമത്തിൽ

ഗ്രൂപ്പ എ

ബ്രസീൽ 3-2-1-0-7

വെനിസ്വേല 3-1-2-0-5

പെറു 3-1-1-1-4

ബൊളീവിയ 3-0-0-3-0

ഗ്രൂപ്പ് ബി

കൊളംബിയ 2-2-0-0-6

പരാഗ്വേ 2-0-2-0-2

ഖത്തർ 2-0-1-1-1

അർജന്റീന 2-0-1-1-1

ഗ്രൂപ്പ് സി

ചിലി 2-2-0-0-6

ഉറുഗ്വേ 2-1-1-0-4

ജപ്പാൻ 2-0-1-1-1

ഇക്വഡോർ 2-0-0-2-0