പാറശാല: യുവാവിനെ തലയ്ക്കടിച്ച് കൊല്ലാൻ ശ്രമിച്ച പ്രതി പിടിയിൽ. മാരായമുട്ടം പെരുങ്കടവിള അഖിൽ നിവാസിൽ അഖിൽദേവിനെയാണ് (25) മാരായമുട്ടം പൊലീസ് പിടികൂടിയത്.കഴിഞ്ഞ 29 ന് പെരുങ്കടവിളയിൽ പൂക്കട നടത്തുന്ന ബൈജു എന്ന് വിളിക്കുന്ന ശ്രീജിത്തിനെ തലയ്ക്കടിച്ച് കൊല്ലാൻ ശ്രമിച്ചിരുന്നു. തുടർന്ന് മുട്ടത്തറ, ശ്രീവരാഹം, കോവളം തുടങ്ങിയ ഭാഗങ്ങളിൽ ഒളിച്ചു കഴിയുകയായിരുന്നു ഇയാൾ.

പ്രതിയുടെ മൊബൈൽ ഫോൺ ലോക്കേഷൻ തെരഞ്ഞാണ് പൊലീസ് ഇയാളെ പിടികൂടിയത്. ഇന്നലെ രാവിലെ പെരുങ്കടവിള ഭാഗത്തുണ്ടെന്നുള്ള രഹസ്യവിവരത്തെ തുടർന്നായിരുന്നു അറസ്റ്റ്. ഇൻസ്പെക്ടർ മൃദുൽ കുമാറിന്റെ നേതൃത്വത്തിൽ എസ്.സി.പി.ഒമാരായ സേതുനാഥ്, സനൽകുമാർ, സനൽ ബാബു തുടങ്ങിയവരടങ്ങിയ സംഘമാണ് പ്രതിയെ പിന്തുടർന്ന് പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.