ചാരുംമൂട്: നൂറനാട് പള്ളിമുക്ക് - ആനയടി റോഡിൽ പള്ളിമുക്കിനു തെക്ക് ഭാഗത്തായി വെള്ളക്കെട്ട് രൂപപ്പെട്ടതിനെത്തുടർന്ന് യാത്ര ദുരിതപൂർണമായി. പള്ളിമുക്ക് - ആനയടി റോഡ് കോടികൾ ചെലവഴിച്ച് ദേശീയ നിലവാരത്തിൽ നിർമ്മാണം പൂർത്തിയായിട്ട് അധികനാളായില്ല.മഴവെള്ളം ഒഴുകി​ പോകുന്നതിനുള്ള ഓട നിർമ്മിക്കാതെ അശാസ്ത്രീയമായ രീതിയിൽ ഈ ഭാഗത്തെ നിർമ്മാണ പ്രവർത്തനം നടത്തിയതിനാലാണ് ചെറിയ ഒരു മഴയി​ൽ പോലും വെള്ളക്കെട്ട് രൂപപ്പെടുന്നത്. വെള്ളം റോഡിൽ കെട്ടിക്കി​ടക്കുകയും അമിതഭാരം കയറ്റി കടന്നു പോകുന്ന വാഹനത്തിന്റെ ഭാരം ഈർപ്പമേറിയ ഈ ഭാഗത്തെ റോഡിനെ താഴേക്ക് ഇരുത്തുകയും ചെയ്യുന്നതിനാലാണ് ചപ്പാത്തായി ഇവിടം മാറിയത്. റോഡിന്റെ ഇരുവശങ്ങളിലും സ്വകാര്യ വ്യക്തികൾ പടുത്തുയർത്തിയ മതിലുകൾ മഴവെള്ള ഒഴുക്കിനെ തടസപ്പെടുത്തുന്നതും ഒരു ഘടകമാണ്.

വി​ദഗ്ദ്ധർ പറയുന്നത്

ഈ ഭാഗത്തെ വെള്ളക്കെട്ട് ഒഴി​വാക്കാൻ ടാറിംഗ് ഭാഗം നീക്കം ചെയ്ത് ടൈൽസ് പാകണമെന്നാണ് വിദഗ് ദ്ധരുടെ അഭിപ്രായം.

പൊതുമരാമത്ത് വി​ഭാഗം കനി​യണം

വെള്ളക്കെട്ടിന് ശാശ്വത പരിഹാരം കാണാൻ സംസ്ഥാന പൊതുമരാമത്ത് നിരത്തു വിഭാഗം കറ്റാനം ഓഫീസ് അധികാരിയുടെ ഭാഗത്തു നിന്നും നടപടി ഉണ്ടാകണമെന്നാണ് പരിസരവാസികളുടെ ആവശ്യം.