ചേർത്തല: നിരോധിത പുകയില ഉത്പന്നമായ ഹാൻസും വിദേശ മദ്യവുമായി യുവാവ് പിടിയിൽ. മാരാരിക്കുളം വടക്ക് പഞ്ചായത്ത് ഒന്നാം വാർഡിൽ ചെത്തി വീയപറമ്പിൽ ജോസിനെയാണ് (34) അർത്തുങ്കൽ പൊലീസ് പിടികൂടിയത്. 100 പായ്ക്ക​റ്റ് ഹാൻസും മൂന്ന് കുപ്പി മാഹി വിദേശ മദ്യവും കണ്ടെടുത്തു.രഹസ്യ വിവരത്തെ തുടർന്ന് അർത്തുങ്കൽ എസ്.ഐ ടോൾസൺ ജോസഫിന്റെ നേതൃത്വത്തിലാണ് പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.