ചേർത്തല:പൂർവ്വിക സ്മരണയിൽ ഇന്ന് ആയിരങ്ങൾ ബലിതർപ്പണവും വഴിപാടുകളും നടത്തും. കരപ്പുറത്തെ പ്രധാന ക്ഷേത്രങ്ങളിലും സ്‌നാനഘട്ടങ്ങളിലും ഒരുക്കങ്ങൾ പൂർത്തിയായി.
മരുത്തോർവട്ടം ധന്വന്തരി ക്ഷേത്രത്തിൽ പിതൃപ്രീതിക്കായി നമസ്‌കാരവും മ​റ്റു വഴുപാടുകളും നടക്കും..400 പറ അരിയുടെ നമസ്‌ക്കാര ചോറും 30,000 ലി​റ്റർ ഒൗഷധ താൾക്കറിയും വിതരണം ചെയ്യും.കണിച്ചുകുളങ്ങര ദേവീ ക്ഷേത്രത്തിൽ രാവിലെ 7 മുതൽ ബലിതർപ്പണം നടക്കും.കൂട്ടനമസ്ക്കാരം,പിതൃപൂജ തുടങ്ങിയ വഴിപാടുകളും നടത്തും.ഇതിനായി വിപുലമായ സജ്ജീകരണമാണ് ഒരുക്കിയിരിക്കുന്നത്.ചെറുവാരണം ശ്രീനാരായണ പുരം(പുത്തനമ്പലം) ക്ഷേത്രത്തിൽ ബലി തർപ്പണത്തിനുള്ള ഒരുക്കങ്ങൾ പൂർത്തിയായി.പുലർച്ചെ 6ന് തുടങ്ങുന്ന ബലി കർമ്മങ്ങൾ ഉച്ചവരെ നീളും.ജില്ലയിൽ തന്നെ ഏറ്റവും കൂടുതൽ ബലിതർപ്പണത്തിന് എത്തുന്ന ക്ഷേത്രങ്ങളിൽ ഒന്നാണ് പുത്തനമ്പലം.മേൽശാന്തി പി.ഡി.പ്രകാശദേവൻ ചടങ്ങുകൾക്ക് മുഖ്യകാർമ്മികത്വം വഹിക്കും.ആര്യക്കര ഭഗവതി ക്ഷേത്രത്തിൽ വാവു ബലി ചടങ്ങുകൾ പുലച്ചെ 5ന് ആരംഭിക്കും.മേൽ ശാന്തി ബിജു ശാന്തിയുടെ മുഖ്യകാർമ്മികത്വത്തിലാണ് ചടങ്ങുകൾ.പിതൃബലി ചടങ്ങിന് ക്ഷേത്രത്തിൽ പ്രത്യേക സൗകര്യവും ഒരുക്കിയിട്ടുണ്ട്.മാരാരിക്കുളം മഹാദേവ ക്ഷേത്രത്തിൽ ഹരിണതീർത്ഥത്തിൽ പിതൃതർപ്പണ ചടങ്ങുകൾ നടക്കും.വേളോർവട്ടം പുതുമന ഇല്ലത്ത് ജയകൃഷ്ണ ശർമ്മ മുഖ്യകാർമ്മികത്വം വഹിക്കും.
തൈക്കൽ ശിവപുരി കടപ്പുറത്ത് രാവിലെ 6ന് സമൂഹപ്രാർത്ഥന, തുടർന്ന് ബലി ദർപ്പണം.മുഖ്യപുരോഹിതൻ കെ.കെ.കണ്ണപ്പൻ ചടങ്ങുകൾക്ക് മുഖ്യകാർമ്മികത്വം വഹിക്കും. രാവിലെ 8മുതൽ ശിവപുരി ഭക്തജനസമിതിയുടെ അന്നദാനവിതരണവുമുണ്ടാകും.
വയലാർ നീലിമംഗലം രാജരാജേശ്വരി ക്ഷേത്രത്തിൽ രാവിലെ ആറ് മുതൽ ബലിതർപ്പണം തുടങ്ങും. ക്ഷേത്രം മേൽശാന്തി ബിജു ശാന്തി മുഖ്യകാർമ്മികനാകും.കണ്ടമംഗലം രാജരാജേശ്വരി മഹാദേവി ക്ഷേത്റത്തിൽ വാവുബലിയും തിലഹോമവും നടത്തും. ക്ഷേത്രം മേൽശാന്തി പി. കെ. ചന്ദ്രദാസ് ശാന്തി ചടങ്ങുകൾക്ക് മുഖ്യ കാർമ്മികത്വം വഹിക്കും.
ചേർത്തല കാളികുളം വേണുഗോപാല ക്ഷേത്രം, ശാവശ്ശേരി മഹാവിഷ്ണു ക്ഷേത്റം, വയലാർ വടക്ക് കോയിക്കൽ ക്ഷേത്രം, തുടങ്ങിയ സ്ഥലങ്ങളിലും ബലിതർപ്പണം നടക്കും.