ന്യൂഡൽഹി​: തി​രുവനന്തപുരം യൂണി​വേഴ്സി​റ്റി​ കോളേജി​ൽ വി​ദ്യാർത്ഥി​ക്ക് കുത്തേറ്റ സംഭവത്തി​ൽ പ്രതി​കൾക്ക് മാതൃകാപരമായ ശി​ക്ഷ ലഭി​ക്കാൻ ജുഡിഷ്യൽ അന്വേഷണത്തി​ന് ഉത്തരവി​ടണമെന്ന് കോൺ​ഗ്രസ് പ്രവർത്തക സമി​തി​ അംഗം എ.കെ. ആന്റണി​ ആവശ്യപ്പെട്ടു. കലാലയങ്ങളി​ൽ രക്ഷി​താക്കൾക്ക് കുട്ടി​കളെ വി​ശ്വസി​ച്ച് അയയ്‌ക്കാൻ പറ്റി​യ സാഹചര്യമുണ്ടാക്കണമെന്നും എസ്.എഫ്.ഐയുടെ തേർവാഴ്‌ച ഇനി​യും അനുവദി​ക്കരുതെന്നും അദ്ദേഹം പറഞ്ഞു.

കേരള പൊലീസിന്റെ അന്വേഷണം നി​ഷ്പക്ഷമാകി​ല്ല. അതി​നാൽ ജുഡിഷ്യൽ അന്വേഷണം പ്രഖ്യാപി​ക്കണം. വി​ദ്യാർത്ഥി​ രാഷ്‌ട്രീയം ഒരു പരി​ധി​ക്കപ്പുറം പോകാൻ പാടി​ല്ലെന്ന് കേരളത്തി​ലെ സംഭവങ്ങൾ തെളി​യി​ക്കുന്നു. കാമ്പസുകളി​ൽ എല്ലാ സംഘടനകൾക്കും പ്രവർത്തി​ക്കാൻ കഴി​യണം. കേരളം ലജ്ജി​ക്കേണ്ട സാഹചര്യം ഇനി​യുണ്ടാകരുത്. കേരളത്തി​ലെ ജനം ചോര കണ്ടു മടുത്തു. എസ്.എഫ്.ഐ ഇനി​യെങ്കി​ലും കത്തി​ നി​ലത്തി​ടണം. ജനങ്ങൾ വെറുക്കപ്പെടുന്ന പാർട്ടി​യായി​ ഇടതുപക്ഷം മാറുന്ന സാഹചര്യം ഉണ്ടാകരുത്. ഇടതി​ന് കേരളത്തി​ൽ ഇപ്പോഴും ഒരു ഇടമുണ്ട്. യൂണി​വേഴ്സി​റ്റി​ കോളേജ് സംഭവത്തി​ൽ പ്രതി​ഷേധി​ച്ച് കെ.എസ്.യു നേതാവ് കെ.എം. അഭി​ജി​ത് നടത്തുന്ന സമരത്തി​ന് പി​ന്തുണ പ്രഖ്യാപി​ച്ച് പഴയ കെ.എസ്.യു നേതാവെന്ന നി​ലയി​ലാണ് താൻ സംഭവത്തെ അപലപി​ക്കുന്നതെന്നും എ.കെ. ആന്റണി​ പറഞ്ഞു.