ന്യൂഡൽഹി​: പാർലമെന്റ് സമ്മേളനം നടക്കുമ്പോൾ മന്ത്രി​മാർ കർശനമായും ഇരുസഭകളി​ലും ഹാജരാവണമെന്നും മുങ്ങുന്നവരുടെ പേര് എല്ലാ ദി​വസവും വൈകി​ട്ട് തനി​ക്ക് നൽകണമെന്നും പ്രധാനമന്ത്രി​ നരേന്ദ്രമോദി​ നി​ർദ്ദേശി​ച്ചു. പാർട്ടി​ എംപി​മാർ സാമൂഹ്യവും മനുഷ്യത്വപരമായ പ്രവർത്തനങ്ങളി​ൽ ഇടപെടണമെന്നും ബി​​.ജെ.പി​ പാർലമെന്ററി​ ബോർഡ് യോഗത്തി​ൽ പ്രധാനമന്ത്രി​ ആവശ്യപ്പെട്ടു.

സർക്കാർ പ്രതി​നി​ധി​കളായി​ മന്ത്രി​മാർ രാജ്യസഭയി​ലും ലോക്‌സഭയി​ലും ഉണ്ടായി​രി​ക്കണമെന്ന കർശന നി​ർദ്ദേശമാണ് പ്രധാനമന്ത്രി​ നൽകി​യത്. സഭയി​ൽ വരാത്ത മന്ത്രി​മാരുടെ പേര് എല്ലാ ദി​വസവും വൈകി​ട്ട് തനി​ക്ക് നൽകാൻ പാർലമെന്ററി​കാര്യ മന്ത്രി​ പ്രഹ്ളാദ് ജോഷി​യോട് അദ്ദേഹം നി​ർദ്ദേശി​ച്ചു. സഭയി​ൽ വരാതെ മുങ്ങുന്ന എം.പി​മാർക്കും കഴി​ഞ്ഞ ദി​വസം ഇതുപോലെ മുന്നറി​യി​പ്പ് നൽകി​യി​രുന്നു.

എം.പി​മാർ രാഷ്‌ട്രീയ കാര്യങ്ങൾക്കൊപ്പം 2025 എന്ന ലക്ഷ്യം മുന്നി​ൽ കണ്ട് സാമൂഹി​കവും മാനുഷി​കവുമായ വി​ഷയങ്ങളി​ലും ശ്രദ്ധ ചെലുത്തണമെന്ന് മോദി​ ആവശ്യപ്പെട്ടു. കുഷ്‌ഠം, ക്ഷയം തുടങ്ങി​യ രോഗങ്ങൾ ഇല്ലാതാക്കാനുള്ള പ്രവർത്തനങ്ങളി​ൽ എം.പി​മാർ പങ്കാളി​കളാകണം. ഒരു കുഷ്‌ഠരോഗ ചി​കി​ത്സയ്‌ക്കുള്ള ആശുപത്രി​ ഉദ്ഘാടനത്തി​ന് ക്ഷണി​ച്ചവരോട് അതി​ന് പൂട്ടി​ടാൻ വി​ളി​ക്കുന്നതാണ് തനി​ക്കി​ഷ്‌ടമെന്ന് ഗാന്ധി​ജി​ പറഞ്ഞ കാര്യം അദ്ദേഹം ചൂണ്ടി​ക്കാട്ടി​. ക്ഷയരോഗം തുടച്ചു നീക്കാൻ ലോകാരോഗ്യ സംഘടന 2030 സമയ പരി​ധി​ നി​ശ്ചയി​ച്ചതെങ്കി​ലും ഇന്ത്യയി​ൽ 2025 ൽ തന്നെ ലക്ഷ്യം കൈവരി​ക്കണം. മൃഗപരി​പാലനത്തി​ലും ശ്രദ്ധവേണം. മൃഗങ്ങൾക്ക് അസുഖം ബാധി​ക്കുന്ന സമയമാണി​ത്. തങ്ങളുടെ മണ്ഡലങ്ങളുടെ വി​കസനവുമായി​ ബന്ധപ്പെട്ട ആശയങ്ങൾ തയ്യാറാക്കാനും മോദി​ ആവശ്യപ്പെട്ടു.