കോലഞ്ചേരി: സപ്ലൈകോയിൽ അരിയടക്കമുള്ള സബ്‌സിഡി സാധനങ്ങൾക്ക് ക്ഷാമം .. സബ്‌സിഡി നിരക്കിൽ ലഭിക്കുന്ന മട്ട അരി, ജയ അരി, പച്ചരി, വെളിച്ചെണ്ണ, വൻപയർ, കടല, മല്ലി, മുളക് തുടങ്ങിയവ സപ്ലൈകോയുടെ കോലഞ്ചേരി ഔട്ട് ലെ​റ്റിൽ കണികാണാനില്ല. കഴിഞ്ഞ ശനിയാഴ്ച 20 ചാക്ക് ജയ അരി മാത്രമാണ് ഇവിടെ എത്തിയത്. അത് ആറു മണിയോടെ തീർന്നു. സമീപ ഔട്ട് ലെ​റ്റുകളിലെല്ലാം സബ്‌സിഡി അരി അടക്കമുള്ള സാധനങ്ങൾ ആവശ്യത്തിനുണ്ട്. പെരുമ്പാവൂരിലെ ഡിപ്പോ അധികൃതരുടെ വീഴ്ചയാണെന്ന് ആക്ഷേപമുയർന്നു. തങ്ങൾക്ക് താൽപര്യമുള്ള മേഖലകളിലേക്ക് സബ്‌സിഡി സാധനങ്ങൾ കയ​റ്റി അയക്കാൻ ഡിപ്പോ മാനേജർ അടക്കമുള്ളവർ പ്രത്യേക താൽപര്യമെടുക്കുകയാണെന്നും ആക്ഷേപമുണ്ട്. ഔട്ട് ലെ​റ്റിൽ പ്രതിമാസം 20 ലക്ഷം രൂപയുടെ കച്ചവടമാണ് നടന്നിരുന്നത്. ഇപ്പോൾ ഉപഭോക്താക്കൾ ഔട്ട് ലെ​റ്റിനെ കൈയൊഴിഞ്ഞ മട്ടാണ്.