കൊച്ചി: കൊച്ചിൻ നഗരസഭയിലെ 54-ാം ഡിവിഷന്റെ വാർഡ് സഭ എളംകുളം ഫാത്തിമ ചർച്ച് ഹാളിൽ മേയർ സൗമിനി ജെയിൻ ഉദ്ഘാടനം ചെയ്തു. കെ.കെ. മാധവൻ അദ്ധ്യക്ഷത വഹിച്ചു. എ.ഡി.എസ് ചെയർപേഴ്സൺ നിഷ ജോൺ,​ ഹെൽത്ത് ഇൻസ്പെക്ടർ ഷിജി എന്നിവർ സംസാരിച്ചു. കൃഷി ഓഫീസർ ആശ കൃഷി വികസന പ്രവർത്തനങ്ങൾ വിശദീകരിച്ചു. ഓണത്തിന് ഒരു മുറം പച്ചക്കറിക്കുള്ള വിത്തുകളുടെ വിതരണം മേയർ സൗമിനി ജയിൻ നിർവഹിച്ചു. ജോൺ സേവ്യർ,​ തോമസ് അജേഷ്,​ കോ ഓർഡിനേറ്റർ തമ്പി എന്നിവർ സംസാരിച്ചു.