ഇടപ്പള്ളി : ട്രോളിംഗ് നിരോധനത്തെ തുടർന്ന് ഗുണനിലവാര പരിശോധന കർശനമാക്കിയതോടെ രാസവസ്തുക്കൾ ചേർത്ത മീനുകൾ വി​പണി​യി​ൽ തീരെ കുറഞ്ഞു.
ജില്ലയിലെ വിവിധയിടങ്ങളിൽ നിന്നും ഭക്ഷ്യ സുരക്ഷാ വകുപ്പ് അധികൃതർ ശേഖരിച്ച മത്സ്യ സാമ്പി​ളുകളി​ൽ രാസപദാർത്ഥങ്ങളുടെ അംശം കണ്ടെത്താനായില്ല .

പ്രധാന ഏഴു വിപണ കേന്ദ്രങ്ങളിൽ നിന്ന് 125 സാമ്പിളുകളാണ് പ്രത്യേക സ്‌ക്വാഡ് ശേഖരിച്ചത്.

ട്രോളിംഗ് നിരോധനത്തിന്റെ തുടക്കത്തിൽ വൻതോതിൽ മറുനാടൻ മത്സ്യം വന്നി​രുന്നു. പരിശോധനകൾ കർശനമായതോടെയാണ് വരവ് കുറഞ്ഞത്.

അതിർത്തി ചെക്ക്പോസ്റ്റുകളിലും പരിശോധന ഉൗർജി​തമാണ്. തമിഴ്‌നാട് ,ആന്ധ്ര, കർണാടക സംസ്ഥാനങ്ങളി​ൽ നി​ന്നാണ് എറണാകുളം ജില്ലയിലെ ചന്തകളിൽ മത്സ്യം എത്തുന്നത്. ചാള, അയില തുടങ്ങി​യവയാണ് ഇതി​ലേറെയും.

മൂന്നു പേരടങ്ങുന്ന പ്രത്യേക സംഘം ഇപ്പോഴും പരിശോധനകൾ നടത്തുന്നുണ്ട്. ചമ്പക്കര, മട്ടാഞ്ചേരി, മൂവാറ്റുപുഴ,പെരുമ്പാവൂർ, പറവൂർ, വൈപ്പിൻ, കൊച്ചി ഹാർബർ എന്നിവിടങ്ങൾ കേന്ദ്രീകരിച്ച് മൂന്നംഗ സംഘം പരി​ശോധനകൾ തുടരുന്നുണ്ട്. പെരുമ്പാവൂർ മേഖലയിൽ നിന്നും പഴക്കം ചെന്ന മത്സ്യം കണ്ടെത്തി. ഇവ പിടിച്ചെടുത്ത് നശിപ്പിച്ചു .

അതേസമയം ട്രെയിനുകളിൽ കൊണ്ടുവരുന്ന മത്സ്യത്തിന്റെ ഗുണനിലവാര പരിശോധന വേണ്ട രീതിയിൽ നടക്കുന്നില്ലെന്ന ആക്ഷേപവും ഉയരുന്നുണ്ട് .

പരി​ശോധന തുടരും

പ്രാഥമിക പരിശോധനയിൽ അമോണിയം,ഫോർമാലിൻ തുടങ്ങിയവ കണ്ടെത്താൻ കഴിഞ്ഞില്ല. ചില സാമ്പി​ളുകൾ കൂടുതൽ പരി​ശോധകൾക്കായി​ അയച്ചി​ട്ടുണ്ട്.

ജേക്കബ് തോമസ്, ഭക്ഷ്യ സുരക്ഷാ ഓഫീസർ