congress
കേന്ദ്ര ബഡ്ജറ്റിലെ കേരളത്തോടുള്ള അവഗണനയ്‌ക്കെതിരെയും ഇന്ധനവില വർദ്ധനയിലും പ്രതിഷേധിച്ച് കോൺഗ്രസ് പ്രവർത്തകർ ഉദയംപേരൂരിൽ നടത്തിയ പന്തം കൊളുത്തി പ്രതിഷേധം ഡി.സി.സി. ജനറൽ സെക്രട്ടറി രാജു പി.നായർ ഉദ്ഘാടനം ചെയ്യുന്നു

ഉദയംപേരൂർ: കേന്ദ്ര ബഡ്ജറ്റിൽ സംസ്ഥാനത്തിനുണ്ടായ അവഗണനയിലും പെട്രോൾ, ഡീസൽ വില വർദ്ധനവിലും പ്രതിഷേധിച്ച് കോൺഗ്രസ് പ്രവർത്തകർ പന്തം കൊളുത്തി പ്രകടനം നടത്തി. നടക്കാവിൽ നിന്ന് തുടങ്ങിയ പ്രകടനം ഐ.ഒ.സി. പമ്പിന് മുന്നിൽ സമാപിച്ചു. തുടർന്ന് നടന്ന പ്രതിഷേധ യോഗം ഡി.സി.സി. ജനറൽ സെക്രട്ടറി രാജു പി. നായർ ഉദ്ഘാടനം ചെയ്തു. ടി.എസ്. യോഹന്നാൻ അദ്ധ്യക്ഷനായിരുന്നു. കെ.എൻ. കാർത്തികേയൻ, ജയൻ കന്നേൽ, കെ.പി. രംഗനാഥൻ, ബാരിഷ് വിശ്വനാഥ്, ഭാസ്‌കരൻ കദളിക്കാട്, എ.ആർ. കിഷോർ ഇ.എസ്. കരുണാകരൻ, ജോബിഷ് പി.എസ്., അഖിൽ രാജ്, വിഷ്ണു രംഗൻ, നിമിൽ രാജ് തുടങ്ങിയവർ സംസാരിച്ചു.