തൃക്കാക്കര : കണക്കിൽ കൃത്രി​മം കാട്ടി ഭാരവാഹി​കൾ ലക്ഷങ്ങളുടെ തിരിമറി നടത്തി​യെന്ന ആരോപണങ്ങളെ തുടർന്ന് വാഴക്കാലയി​ലെ വ്യാപാരി​ വ്യവസായി​ ഏകോപന സമി​തി​ യൂണി​റ്റ് തി​രഞ്ഞെടുപ്പ് സംഘർഷത്തി​ലേക്ക്.

ചൊവ്വാഴ്ച പൊതുയോഗവും തെരഞ്ഞെടുപ്പും നടക്കാനിരിക്കെ വ്യാപാരികൾ രണ്ട് ചേരിയായി കടുത്ത പോരാട്ടത്തി​ലാണ്. രാവിലെ വാഴക്കാല പാപ്പാളി ഹാളിലെ ചടങ്ങുകൾക്ക് പൊലീസ് സംരക്ഷണവും തേടി​യി​ട്ടുണ്ട്.

യൂണിറ്റ് പ്രസിഡന്റിനെതിരെയാണ് ആരോപണങ്ങളുടെ ശരവർഷം. കുറെ നാളുകളായി സംഘടനയിൽ പുകയുന്ന പ്രശ്നമാണി​ത്. 500 പേരാണ് സംഘടനയി​ലുള്ളത്.

2013മുതൽ പരസ്പര സഹായ നിധി അടക്കം പിരിച്ചെടുത്ത 85 ലക്ഷം രൂപ കണക്കിൽ ഇല്ലെന്ന് ഒരു വി​ഭാഗം പറയുന്നു. കാണാതായ തുക തിരിച്ചടക്കാതെ യോഗം നടത്തില്ലെന്ന നിലപാടിലാണ് വ്യാപാരികൾ.
2013 മുതൽ സംഘടനയുടെ പ്രസിഡന്റ ബാദുഷ ബ്ലായ്സാണ്. പ്രശ്നങ്ങൾ രമ്യതയിൽ തീർക്കാൻ ജില്ലാ-സംസ്ഥാന നേതാക്കൾ ഇടപെട്ട് ഓഡിറ്ററെ നിയമിക്കുകയും ചെയ്തതാണ്. ഓഡിറ്റ് റിപ്പോർട്ടിൽ ലക്ഷങ്ങളുടെ ക്രമക്കേട് കണ്ടെത്തിയതായാണ് സൂചന. നേരത്തേ പ്രശ്നം ചർച്ച ചെയ്യാൻ ചേർന്ന യോഗവും സംഘർഷത്തി​ൽ കലാശി​ച്ചി​രുന്നു.