കൊച്ചി: പട്ടികവർഗ വികസന വകുപ്പിന് കീഴിൽ മൂവാറ്റുപുഴ ട്രൈബൽ ഡവലപ്‌മെന്റ് ഓഫീസ് പരിധിയിൽ ഓഫീസ് മാനേജ്‌മെന്റ് ട്രെയിനികളെ തിരഞ്ഞെടുക്കുന്നതിന്റെ ഭാഗമായി എറണാകുളം ജില്ലയിൽ സ്ഥിരതാമസക്കാരായ പട്ടികവർഗ യുവതീ യുവാക്കളിൽ നിന്ന് അപേക്ഷ ക്ഷണിച്ചു. പത്താം ക്ലാസ് പാസായ 2019 ജനുവരി ഒന്നിന് 18 വയസ് തികഞ്ഞവരും 35 കവിയാത്തവരുമായവർക്ക് അപേക്ഷിക്കാം. ബിരുദധാരികൾക്ക് അഞ്ച് മാർക്ക് ഗ്രേസ് മാർക്കായി ലഭിക്കും. കുടുംബത്തിന്റെ വാർഷിക വരുമാനം 40,000 രൂപയിൽ കവിയരുത്. പരിശീലനത്തിന് തിരഞ്ഞെടുക്കപ്പടുന്നവർക്ക് 10,000 രൂപ ഓണറേറിയം നൽകും. നിയമനം അപ്രന്റീസ്ഷിപ്പ് ആക്ട് അനുസരിച്ചുള്ള നിയമങ്ങൾക്ക് വിധേയവും താത്കാലികവും പരമാവധി ഒരു വർഷത്തേക്ക് മാത്രവുമായിരിക്കും. എഴുത്തുപരീക്ഷയുടെ അടിസ്ഥാനത്തിലാണ് പരിശീലനത്തിന് തിരഞ്ഞെടുക്കുന്നത്. അപേക്ഷാഫോറങ്ങൾ മൂവാറ്റുപുഴ ട്രൈബൽ ഡവലപ്‌മെന്റ് ഓഫീസ്, ആലുവ. ഇടമലയാർ ട്രൈബൽ എക്സ്റ്റൻഷൻ ഓഫീസുകൾ എന്നിവിടങ്ങളിൽ വിതരണം ചെയ്യും. പൂരിപ്പിച്ച അപേക്ഷകൾ ട്രൈബൽ ഡവലപ്‌മെന്റ് ഓഫീസ് , ട്രൈബൽ എക്സ്റ്റെൻഷൻ ഓഫീസുകളിൽ സമർപ്പിക്കേണ്ട അവസാന തീയതി ജൂലായ് 31. ഒരു തവണ പരിശീലനം നേടിയവർ വീണ്ടും അപേക്ഷിക്കരുത്.