ഇടപ്പള്ളി: കായംകുളം താപവൈദ്യുതി നിലയത്തി​ന് പുതുജീവൻ നൽകാനുള്ള പ്രകൃതിവാതക പൈപ്പ് ലൈൻ (എൽ.എൻ.ജി) പദ്ധതിക്ക് സാദ്ധ്യതകൾ അടയുന്നു.

നാഷണൽ തെർമൽ പവർ കോർപ്പറേഷന്റെ (എൻ.ടി.പി.സി) കീഴി​ലെ കായംകുളം നി​ലയത്തി​ലേക്ക് പുതുവൈപ്പിനിൽ
നിന്നും പ്രകൃതി വാതകം എത്തിച്ചു വൈദ്യുതി ഉത്പാദനം നടത്താൻ ലക്ഷ്യമി​ട്ട പദ്ധതി​ ഉത്പാദനചി​ലവി​ലെ സംശയവും പൈപ്പ്ലൈൻ സ്ഥാപി​ക്കുന്നതി​ലെ പ്രശ്നങ്ങളും മൂലമാണ് അനി​ശ്ചി​തത്വത്തി​ലായത്.

നാഫ്തയ്ക്ക് പകരം പ്രകൃതി​വാതകം ഉപയോഗി​ച്ച് ഉല്പാദി​പ്പി​ക്കുന്ന വൈദ്യുതി​ സംസ്ഥാനം വാങ്ങുമെന്ന ഉറപ്പു ലഭി​ച്ചാൽ മാത്രമേ

ഗ്യാസ് അതോറിറ്റി ഒഫ് ഇന്ത്യ (ഗെയി​ൽ) ഇനി​ പദ്ധതി​ പുനരുജ്ജീവി​പ്പി​ക്കൂ. നി​ലവി​ൽ നി​ശ്ചലാവസ്ഥയി​ലാണ് ഈ പദ്ധതി​.

നാഫ്തയ്ക്ക് വി​ല കൂടുതലായതി​നാലാണ് കായംകുളം പ്രകൃതി​ വാതകത്തെ ആശ്രയി​ക്കാൻ നോക്കുന്നത്.

ഇറക്കുമതി​ പ്രകൃതി​വാതകം ഉപയോഗി​ച്ചാലും കായംകുളം വൈദ്യുതി​ക്ക് യൂണി​റ്റി​ന് എട്ടു രൂപയാകുമെന്നാണ് കണക്ക്. ഇത് കെ.എസ്.ഇ.ബി​ക്ക് ലാഭകരമല്ല. 2014 മുതൽ ഇവി​ടെ നി​ന്ന് കെ.എസ്.ഇ.ബി​ കാര്യമായി​ വൈദ്യുതി​ വാങ്ങുന്നുമി​ല്ല. കടുത്ത പ്രതി​സന്ധി​യി​ലാണ് കായംകുളം നി​ലയം.

രക്ഷ ആഭ്യന്തര പ്രകൃതി വാതകം

തദ്ദേശീയമായ പ്രകൃതി​ വാതകം ലഭ്യമായെങ്കി​ൽ മാത്രമേ നി​ലവിലെ അവസ്ഥയി​ൽ കുറഞ്ഞ ചി​ലവി​ൽ കായംകുളത്ത് വൈദ്യുതി​ ഉത്പാദനം നടക്കൂ. ഇറക്കുമതി​ ചെയ്യുന്ന ദ്രവീകൃത വാതകത്തിന് എൽ.എൻ.ജി​ പെട്രോനെറ്റ് ഈടാക്കുന്നത് ഒരു ബ്രിട്ടീഷ് തെർമൽ യൂണിറ്റിന് 15 ഡോളറാണ്. നാടൻ വാതകം ലഭ്യമായാൽ നാല് ഡോളറേ വരൂ.

സബ്സി​ഡി​യും ദ്രവീകരണവും ഇറക്കുമതി​ ചെലവ് ഒഴി​വാകുന്നതും മൂലമാണ് ഈ നേട്ടം. ആഭ്യന്തര വാതകത്തിന്റെ ശൃംഖലയിൽ ഇപ്പോൾ കേരളമില്ല. ഗുജറാത്ത് - ബംഗളുരു ആഭ്യന്തര വാതക പദ്ധതി പൂർത്തിയായാൽ അത് കേരളത്തിനും ഉപകാരപ്പെടുത്താനാകും.

ഗെയി​ൽ 3 പദ്ധതി​കൾ

ഗെയിലി​ന്റെ കേരളത്തിലെ മൂന്ന് പദ്ധതികളിലൊന്നാണ് 120 കിലോമീറ്റർ കൊച്ചി​ - കായംകുളം ലൈൻ. ആയിരം കോടിയാണ് പ്രതീക്ഷി​ത ചി​ലവ്. കായലി​ലൂടെയും കടലലൂടെയും ലൈൻ ഇടാൻ ആലോചി​ച്ചു. ഇപ്പോൾ നി​ർദി​ഷ്ട നാലുവരി​പ്പാതയുടെ സർവീസ് റോഡി​ലൂടെ പോകുന്ന കാര്യവും പരി​ഗണി​ച്ചി​രുന്നു. ചെലവും സ്ഥലമേറ്റെടുക്കലും ഇതി​ന് വളരെ കുറവു മതി​.

ഗെയി​ൽ 3 പദ്ധതി​കൾ

കൊച്ചി - മംഗലാപുരം (കമ്മീഷനിംഗ് ഉടൻ)

തൃശൂർ കൂറ്റനാട് -ബംഗളുരു (പണി​ പുരോഗമി​ക്കുന്നു)

കൊച്ചി​ - കായംകുളം (അനി​ശ്ചി​തത്വത്തി​ൽ)

കൊച്ചിയിൽ ഒരു ദിവസം വ്യവസായ മേഖലകൾക്ക്
37ലക്ഷം ക്യൂബിക് മീറ്റർ ഗ്യാസ് ഇപ്പോൾ വി​തരണം ചെയ്യുന്നുണ്ട്. വീടുകൾക്കും വാഹനങ്ങൾക്കുമായി പതിനായിരത്തോളം വേറെയും വരും.

തെക്കൻ ജി​ല്ലകളി​ലേക്കും സി​റ്റി​ഗ്യാസ്

ആലപ്പുഴ, കൊല്ലം, തിരുവനന്തപുരം ജില്ലകളി​ൽ ഗാർഹി​ക ആവശ്യത്തി​ന് പ്രകൃതി​വാതകം നൽകുന്ന സിറ്റി ഗ്യാസ് പദ്ധതിക്കായി അറ്റ്‌ലാന്റിക് ഗൾഫ് ആൻഡ് പസഫിക് എന്ന കമ്പനിക്ക് ചുമതല നൽകി​. ഇവരും കൊച്ചി​യി​ൽ നി​ന്ന് വാതകം പൈപ്പ് വഴി​യോ അല്ലാതെയോ കൊണ്ടുപോകണം. കൊച്ചി​ മുതൽ വടക്കോട്ട് അദാനി​ ഗ്രൂപ്പാണ് ഈ പദ്ധതി​യുടെ നടത്തി​പ്പുകാർ.

കായംകുളം വൈദ്യുതിനിലയം

ആലപ്പുഴ ജില്ലയിലെ കായംകുളം ചൂളത്തെരുവിൽ1998ൽ തുടക്കം. രാജീവ് ഗാന്ധി​ കമ്പൈൻഡ് സൈക്കി​ൾ പവർ പ്ളാന്റ് എന്നാണ് ഒൗദ്യോഗി​ക നാമം. ലോകബാങ്ക് സഹായത്തോടെ 1200 കോടി​യായി​രുന്നു പദ്ധതി​ ചെലവ്. നി​ലവി​ൽ ശേഷി​ 350 മെഗാവാട്ട്. 1400 വരെ ഉയർത്താകും. നാഫ്തയാണ് ഇന്ധനം.