കിഴക്കമ്പലം: മോറക്കാല കെ.എ. ജോർജ് മെമ്മോറിയൽ പബ്ലിക് ലൈബ്രറി, എക്‌സൈസ്, കുന്നത്തുനാട് താലൂക്ക് ലൈബ്രറി കൗൺസിൽ എന്നിവയുടെ ആഭിമുഖ്യത്തിൽ മോറക്കാല സെന്റ് മേരീസ് ഹയർ സെക്കൻഡറി സ്‌കൂളിൽ ലഹരിവർജന മിഷൻ വിമുക്തി ബോധവത്കരണ സെമിനാർ നടത്തി. തിരുവനന്തപുരം വിഷൻ ഒഫ് ലൈഫ് പപ്പ​റ്റ് ഡ്രാമാടീമിന്റെ നേതൃത്വത്തിൽ കയ്യുറപാവ നാടകം അവതരിപ്പിച്ചു. കുന്നത്തുനാട് പഞ്ചായത്ത് പ്രസിഡന്റ് കെ.കെ. പ്രഭാകരൻ ഉദ്ഘാടനം ചെയ്തു. സ്‌കൂൾ പ്രിൻസിപ്പൽ പി.വി. ജേക്കബ് അദ്ധ്യക്ഷത വഹിച്ചു. പി.ജി. സജീവൻ, വി.എ. വിജയകുമാർ, സാബു വർഗീസ്, ഹെഡ്മാസ്​റ്റർ ജോസ് മാത്യു എന്നിവർ പ്രസംഗിച്ചു. നൈസാം ബോധവത്കരണ ക്ലാസെടുത്തു.