പെരുമ്പാവൂർ: വൈദ്യുതചാർജ് കുത്തനെ കൂട്ടിയതിൽ പ്രതിഷേധിച്ച് കോൺഗ്രസ് കൂവപ്പടി മണ്ഡലം കമ്മിറ്റിയുടെ നേതൃത്വത്തിൽ ഐമുറി കവലയിൽ പന്തം കൊളുത്തി പ്രകടനവും പ്രതിഷേധയോഗവും നടത്തി. ഡി.സി.സി വൈസ് പ്രസിഡന്റ് മനോജ് മൂത്തേടൻ, മണ്ഡലം പ്രസിഡന്റ് എൽദോ പാത്തിക്കൽ, എം.ഒ. ജോസ്, തോമസ് പൊട്ടോളി, എം.പി. പ്രകാശ് തുടങ്ങിയവർ നേതൃത്വം നൽകി.
മുടക്കുഴ മണ്ഡലം കോൺഗ്രസ് കമ്മിറ്റി സംഘടിപ്പിച്ച മെഴുകുതിരി കത്തിച്ചുള്ള പ്രതിഷേധ ധർണ ഐ.എൻ.ടി.യു.സി ജില്ലാ സെക്രട്ടറി പി.പി. അവറാച്ചൻ ഉദ്ഘാടനം ചെയ്തു. മണ്ഡലം പ്രസിഡന്റ് ജോബി മാത്യു അദ്ധ്യഷത വഹിച്ചു. ജോഷി തോമസ്, അജിത് കുമാർ, ഷാജി കീച്ചേരി, പി. പി. ശിവരാജൻ, എൻ. പി. രാജീവ് തുടങ്ങിയവർ പ്രസംഗിച്ചു.