പറവൂർ : പറവൂർ വെസ്റ്റ് സർവീസ് സഹകരണ ബാങ്കിന്റെ ഒരു വർഷം നീണ്ടുനിൽകുന്ന വജ്ര ജൂബിലി ആഘോഷം നാളെ (ശനി) തുടങ്ങും. ഉച്ചയ്ക്ക് രണ്ടരയ്ക്ക് ആഘോഷ പരിപാടികളുടെ ഉദ്ഘാടനം വി.ഡി. സതീശൻ എം.എൽ.എ. നിർവഹിക്കും. ബാങ്ക് പ്രസിഡന്റ് എം.ജെ. രാജു അദ്ധ്യക്ഷത വഹിക്കും. നവീകരിച്ച എ.സി ഹാളിന്റെ ഉദ്ഘാടനം എസ്. ശർമ്മ എം.എൽ.എയും വിധവകളുടെ പെൺമക്കൾക്കുള്ള വിവാഹധനസാഹയ വിതരണം മുൻ എം.പി. കെ.പി. ധനപാലനും, കെയർ ഹോം പദ്ധതിയിൽ ബാങ്ക് നിർമ്മിച്ച ഭവനങ്ങളുടെ താക്കോൽദാനം നഗരസഭ ചെയർമാൻ രമേഷ് ഡി. കുറുപ്പും നിർവഹിക്കും. കെ.എ. വിദ്യാനന്ദൻ, മിനി ഷിബു, അനു വട്ടത്തറ, വി.ജെ. ജോയ്, ടെസ്സി ജോസി പി, സഹകരണ ബാങ്ക് പ്രസിഡന്റുമാരായ ഇ.പി. ശശിധരൻ, എ.ഡി. ദിലീപ് കുമാർ, ടി.എസ്. പുഷ്കല, ടി.കെ. ഉദയഭാനു, ടി.എസ്. രാജൻ, എ.ബി മനോജ്, സുരേഷ് മാധവൻ, എ.എ. സാബു, എൻ. വിജയകുമാർ തുടങ്ങിയവർ സംസാരിക്കും.