അങ്കമാലി.ആലുവ താലൂക്ക് ലൈബ്രറി കൗൺസിലിന്റെ നേതൃത്വത്തിൽ താലൂക്ക്തല വായനാപക്ഷാചരണ സമാപനവും,ഐ.വി. ദാസ് അനുസ്മരണവും പാലിശ്ശേരിയിൽ നടന്നു. പാലിശ്ശേരി എസ്. എൻ ഡി. പി ഓഡിറ്റോറിയത്തിൽ നടന്ന സമ്മേളനത്തിൽ ജില്ല ലൈബ്രറി കൗൺസിൽ സെക്രട്ടറി എം. ആർ. സുരേന്ദൻ ഐ.വി.ദാസ് അനുസ്മരണ പ്രഭാഷണം നടത്തി വായനപക്ഷാചരണ സമാപന സമ്മേളനം ഉദ്ഘാടനം ചെയ്തു.ലൈബ്രറി കൗൺസിൽ സ്റ്റേറ്റ് കമ്മിറ്റിയംഗം ടി.പി. വേലായുധൻ മാസ്റ്റർ അദ്ധ്യക്ഷത വഹിച്ചു. താലൂക്ക് ലൈബറി കൗൺസിൽ സെക്രട്ടറി വി.കെ. ഷാജി,കെ. ആർ. ബാബു, കെ.കെ. സുരേഷ്,കെ. പി. അനീഷ്, മേരി ആന്റണി,കെ.കെ. മുരളി,മിഥുൻ ടി.എസ്,ദേവിനന്ദന,ഗംഗ,അഭിരാമി എന്നിവർ പ്രസംഗിച്ചു.