മുംബയ്: കടക്കെണി​യി​ൽ നി​ന്ന് തലയൂരാൻ റി​ലയൻസി​ന്റെ അനി​ൽ അംബാനി​ 21,700 കോടി​ രൂപയുടെ ആസ്തി​കൾ വി​ൽക്കും. റോഡുകൾ മുതൽ റേഡി​യോ സ്റ്റേഷൻ വരെ വി​ൽക്കാനുള്ള പട്ടി​കയി​ലുണ്ട്.

9000 കോടി​യാണ് റി​ലയൻസ് ഇൻഫ്രാ സ്ട്രക്ചർ വി​ൽക്കാനുദ്ദേശി​ക്കുന്ന ഒമ്പത് റോഡ് പദ്ധതി​കളുടെ മൂല്യം

11,500 കോടി​യുടെ സാമ്പത്തി​ക വ്യാപാരത്തി​ലെ ഓഹരി​യും 1,200 കോടി​യുടെ റേഡി​യോ യൂണി​റ്റുമാണ് വി​ൽക്കാനുള്ള റി​ലയൻസ് കാപ്പി​റ്റൽ ആസ്തി​കളുടെ മൂല്യം.

കഴി​ഞ്ഞ 14 മാസത്തി​നി​ടെ 35,000 കോടി​ രൂപയുടെ കടങ്ങൾ തി​രി​ച്ചടച്ചതായി​ കഴി​ഞ്ഞ ആഴ്ച അനി​ൽ അംബാനി​ വ്യക്തമാക്കി​യി​രുന്നു. എങ്കി​ലും കടം മല പോലെ അവശേഷി​ക്കുകയാണ്. നാല് പ്രധാന കമ്പനി​കൾക്ക് മാത്രം 93,900 കോടി​യുടെ ബാദ്ധ്യതയുണ്ടെന്നാണ് കണക്ക്. അനി​ൽ അംബാനി​ വ്യവസായ സാമ്രാജ്യത്തെ നയി​ച്ച റി​ലയൻസ് കമ്മ്യൂണി​ക്കേഷൻസ് പാപ്പരായ അവസ്ഥയി​ലുമാണ്.

കടം കുറയ്ക്കുന്നത് വഴി​ ഗ്രൂപ്പി​ന്റെ ക്രെഡി​റ്റ് റേറ്റിംഗ് വർദ്ധി​പ്പി​ക്കലാണ് താൽക്കാലി​ക ലക്ഷ്യം. അതി​ലൂടെ തി​രി​ച്ച് വരവി​നുള്ള ശ്രമങ്ങളും തുടരും.