കൊച്ചി : തൊഴിലാളികളുടെ കൂട്ടായ്‌മ ഒരുക്കുന്ന യെല്ലോ ടാക്‌സി കൊച്ചി നഗരത്തിലും ഓടിത്തുടങ്ങി. 300 കാറുകൾ ഓൺലൈനിലും ഓഫ്‌ ലൈനിലും 24 മണിക്കൂറും ലഭിക്കും. എയർപോർട്ടിലേയ്ക്ക് ഉൾപ്പെടെ പാക്കേജ് യാത്രകളും റെഡി. സർക്കാർ നിശ്ചയിച്ച നിരക്കേ ഈടാക്കുകയുള്ളു.

ടാക്സി ഡ്രൈവർമാർ രൂപീകരിച്ച യെല്ലോ കാബ്സ് ഡ്രൈവേഴ്സ് സൊസൈറ്റിയുടെ കീഴിലാണ് പ്രവർത്തനം. ടാക്‌സി ബോർഡ് വച്ച വാഹനങ്ങൾ എവിടെ നിന്നും എപ്പോൾ വേണമെങ്കിലും കൈകാണിച്ചു യാത്രയ്ക്ക് വിളിക്കാം. സമയത്തിന്റെയോ വാഹന ലഭ്യതയുടെ കുറവ് കൊണ്ടോ യാത്രാനിരക്കിൽ വർദ്ധനവുണ്ടാകില്ല.

# സേവനങ്ങൾ ഇങ്ങനെ

300 കാറുകൾ തയ്യാർ

10 മുതൽ 20 ശതമാനം നിരക്കിളവ്

മുതിർന്ന പൗരന്മാർക്ക് പ്രത്യേക സേവനം

വനിതകൾക്ക് വനിതാ ഡ്രൈവർമാർ

പുറംയാത്രകൾക്ക് വെബ്സൈറ്റിൽ ബുക്കിംഗ്

30 ഹോട്ടലുകളുമായി ചേർന്ന് എയർപോർട്ട് സർവീസ്

എയർപോർട്ട് സർവീസ് 499 രൂപ മുതൽ

മണിക്കൂർ വ്യവസ്ഥയിലും ബുക്ക് ചെയ്യാം

70 ശതമാനം ഓൺലൈൻ ടാക്‌സി ഡ്രൈവർമാർ

30 ശതമാനം പരമ്പരാഗത ഡ്രൈവർമാർ

തിരിച്ചറിയാൻ കാറിന് മുകളിൽ മഞ്ഞ ലൈറ്റ് ബോർഡ്

പൊലീസ് ക്ലിയറൻസ് നേടിയ ഉടമകൾ തന്നെ ഡ്രൈവർമാർ

# മെട്രോ നഗരങ്ങളുടെ ശൈലി

മുംബയ്, ഡൽഹി, ചെന്നൈ, ബംഗളൂരു എന്നിടങ്ങളിൽ വിജയിച്ച രീതിയാണ് യെല്ലോ ടാക്‌സി ബോർഡ് വച്ച വാഹനങ്ങൾ കൊച്ചിയിൽ സ്വീകരിക്കുക. മഞ്ഞ ലൈറ്റ് ബോർഡ് വഴി യാത്രക്കാർക്ക് വാഹനം തിരിച്ചറിയാൻ സാധിക്കും.

ഷാജോ ജോസ്

സൊസൈറ്റി കൺവീനർ

ടോൾ ഫ്രീ നമ്പർ : 7561000002

വെബ്സൈറ്റ് : www.yellowcabs.taxi

ഇ മെയിൽ : cabkochi@gmail.com