കൊച്ചി : കെട്ടിട നിർമ്മാണത്തൊഴിലാളി യൂണിയന്റെ (സി.ഐ.ടി.യു ) നേതൃത്വത്തിൽ തൊഴിലാളികളെ പങ്കെടുപ്പിച്ച് നാടൻ ചൂണ്ടയിടൽ മത്സരം നടത്തി. മുളവുകാട് പഞ്ചായത്ത് പ്രസിഡന്റ് വിജി ഷാജൻ ഉദ്ഘാടനം ചെയ്തു. എറണാകുളം ബോൾഗാട്ടിയിൽ നടന്ന ചടങ്ങിൽ യൂണിയൻ മേഖലാ പ്രസിഡന്റ് ബെർട്ടി അദ്ധ്യക്ഷത വഹിച്ചു. വി.വി. പ്രവീൺ, പി.കെ. ഷൺമുഖൻ, പി.കെ. ബാബു, കെ.കെ. ഭാസ്കരൻ, കെ.കെ. ജയരാജ് തുടങ്ങിയവർ പ്രസംഗിച്ചു. പി.എൽ. ശശി, മനോജ് കൊറുങ്കോട്ട, അഭിനവ് സോജൻ എന്നിവർ ഒന്നും രണ്ടും മൂന്നും സ്ഥാനങ്ങൾ നേടി. 15ന് വഞ്ചി സ്ക്വയറിൽ നടക്കുന്ന പൊതുസമ്മേളനത്തിൽ ബാംബു കോർപ്പറേഷൻ ചെയർമാൻ കെ.ജെ. ജേക്കബ് കാഷ് അവാർഡും ട്രോഫിയും സമ്മാനിക്കും.