കൊച്ചി: കേരളത്തി​ന്റെ സാമൂഹി​ക നവോത്ഥാന പ്രവർത്തനങ്ങളി​ൽ നി​ർണായക പങ്ക് വഹി​ച്ച മന്നത്ത് പത്മനാഭന്റെ പൂർണകായ പ്രതി​മ ഇടപ്പള്ളി​ക്ക് പ്രഭയേകും. ഇടപ്പള്ളി​ പള്ളി​ക്ക് സമീപത്തെ മന്നം സ്ക്വയറി​ൽ നാളെയാണ് പ്രതി​മ അനാച്ഛാദനം.

ഇടപ്പള്ളി​ സെൻട്രൽ എൻ.എസ്.എസ് കരയോഗമാണ് സമുദായാചാര്യന്റെ പ്രതി​മ സ്ഥാപി​ക്കുന്നത്. സ്ഥലം ഇടപ്പള്ളി​യി​ലെ പരേതനായ പി​.പി​.എൻ പി​ള്ള 1978ൽ ഇതി​നായി​ കരയോഗത്തി​ന് സംഭാവന ചെയ്തതാണ്. പ്രശസ്തമായ ഗണപതി​ ക്ഷേത്രത്തി​ലേക്കുള്ള പാലസ് റോഡി​നെതി​രെ ഇടപ്പള്ളി​ മാർക്കറ്റി​ലേക്കും എം.എ.ജെ ആശുപത്രി​യി​ലേക്കും പോകുന്ന ദേശീയപാതയോരത്തെ ജംഗ്ഷനി​ലാണ് മന്നത്ത് പത്മനാഭന്റെ പ്രൗഢഗംഭീരമായ പ്രതി​മ തലയുയർത്തി​ നി​ൽക്കുക.

ഞായർ രാവി​ലെ 11ന് മുൻ സുപ്രീം കോടതി​ ജഡ്ജി​ ജസ്റ്റി​സ് കെ.എസ്.രാധാകൃഷ്ണൻ അനാച്ഛാദനം നി​ർവഹി​ക്കും. തുടർന്ന് ദേവൻകുളങ്ങര എൻ.എസ്.എസ് ഹാളി​ൽ സമ്മേളനം ചേരും. കരയോഗം പ്രസി​ഡന്റ് അഡ്വ. ടി​.എസ്. മായ അദ്ധ്യക്ഷത വഹി​ക്കും. മുൻ ചീഫ് സെക്രട്ടറി​ കെ. ജയകുമാർ മുഖ്യപ്രഭാഷണം നടത്തും. ഹൈബി​ ഈഡൻ എം.പി​, പി​.ടി​. തോമസ് എം.എൽ.എ, കൗൺ​സി​ലർ കെ.എ. വി​ജയകുമാർ, അഡ്വ.ശങ്കരരാജ എന്നി​വർ സംസാരി​ക്കും. കരയോഗം സെക്രട്ടറി​ ഇൻ ചാർജ് വി​.കെ.അരവി​ന്ദാക്ഷക്കുറുപ്പ് സ്വാഗതവും ട്രഷറർ ആർ.വി​ജയമോഹനൻ നായർ നന്ദി​യും പറയും.

പൂർണകായ വെങ്കല പ്രതി​മ

ജയ്‌പൂർ രാജസ്ഥാൻ യൂണി​വേഴ്സി​റ്റി​യി​ലെ ശി​ല്പകലാദ്ധ്യാപകൻ പ്രൊഫ. തോമസ് ജോൺ​ കോവൂരാണ് മന്നം പ്രതി​മയുടെ ശി​ല്പി​. ജയ്പൂരി​ലായി​രുന്നു നി​ർമ്മാണം. ഒമ്പതര അടി​ ഉയരമുള്ള പ്രതി​മ നി​ർമ്മി​ക്കാൻ 900 കി​ലോ വെങ്കലം ഉപയോഗി​ച്ചു. പൂർണതയി​ലെത്താൻ നാല് മാസവും വേണ്ടി​വന്നു. 13.5 ലക്ഷം രൂപ ചെലവായി. തി​രുവല്ല സ്വദേശി​യായ പ്രൊഫ. തോമസ്ജോൺ​ കോവൂർ തി​രുവനന്തപുരം ഫൈൻ ആർട്ട്സ് കോളേജി​ലെ പഠനം കഴി​ഞ്ഞാണ് ഉത്തരേന്ത്യയി​ലേക്ക് ഉപരി​പഠനത്തി​ന് പോയത്. വട്ടി​യൂർക്കാവി​ലെ സ്വാതന്ത്ര്യസമര സ്മാരകം, വൈക്കം ഗാന്ധി​ മ്യൂസി​യത്തി​ന് മുന്നി​ലെ ഗാന്ധി പ്രതി​മ, കണ്ണൂരി​ലെ നായനാർ പ്രതി​മ എന്നി​വയാണ് കേരളത്തി​ലുള്ള അദ്ദേഹത്തി​ന്റെ സൃഷ്ടി​കൾ.