തൃക്കാക്കര: തൃക്കാക്കര നഗരസഭയി​ലെ കൗൺ​സി​ലർ അസ്മ നൗഷാദ് ആശാവർക്കർ ഇന്റർവ്യൂവി​ൽ പങ്കെടുത്ത് സ്വയം ഫുൾ മാർക്ക് നൽകി​യ സംഭവത്തി​ൽ ഇന്റർവ്യൂ വീണ്ടും നടത്താൻ നീക്കം.

വീണ്ടും നടത്തണോ, കൗൺസിലറെ ഒഴിവാക്കി ഇന്റർവ്യൂവിൽ പങ്കെടുത്ത രണ്ടുപേരുടെ മികവിന്റെ അടിസ്ഥാനത്തിൽ നിയമിക്കണോയെന്ന കാര്യം നാളെ നഗര സഭ സെക്രട്ടറി പി. എസ് ഷിബു എത്തിയ ശേഷമാവും തീരുമാനിക്കുക.

കൗൺ​സി​ലർ രാജി​വെക്കണം

സത്യപ്രതിജ്ഞാ ലംഘനം നടത്തിയ കൗൺസിലർ രാജിവെക്കണമെന്ന് സി .പി .എം ഏരിയ സെക്രട്ടറി വി .എ സക്കീർ ഹുസൈൻ ആവശ്യപ്പെട്ടു. നടപടി സത്യപ്രതിജ്ഞാ ലംഘനമാണ്. രാജിവെച്ചില്ലെങ്കിൽ ശക്തമായ സമരം ആരംഭിക്കുമെന്നും അദ്ദേഹം പറഞ്ഞു.