കൊച്ചി:ചതയോപഹാരം ഗുരുദേവ ട്രസ്‌റ്റ് കൺവീനർ കെ.കെ.പീതാംബരൻ എഴുതിയ ഗുരുദേവ പ്രശ്‌നോത്തരി അഞ്ചാം പതിപ്പ് 21 ന് വൈകിട്ട് 3.30 ന് കാക്കനാട് ശ്രീനാരായണ സാംസ്‌കാരിക സമിതി സൗധത്തിൽ നടക്കുന്ന ചടങ്ങിൽ എറണാകുളം സ്‌പെഷ്യലിസ്‌റ്റ് ആശുപത്രി ഡയറക്‌ടർ ഡോ.കെ.ആർ. രാജപ്പൻ മൂവാറ്റുപുഴ പിറമഠത്തോട്ടം എൻ.കൃഷ്‌ണന് നൽകി പ്രകാശനം ചെയ്യും

കെ.കെ.പീതാംബരൻ അദ്ധ്യക്ഷത വഹിക്കും. ചെയർമാൻ എ.ആനന്ദൻ മുഖ്യപ്രഭാഷണം നടത്തും. സാമൂഹിക ക്ഷേമ വകുപ്പ് മുൻ അഡിഷണൽ ഡയറക്‌ടർ സി.എം. യോഷിത് മുഖ്യാതിഥിയായിരിക്കും. വിദ്യാർത്ഥികൾക്കുള്ള പഠനോപകരണ വിതരണം കലൂർ എ.സി.എസ് ഹയർസെക്കൻഡറി സ്‌കൂൾ മാനേജർ പി.ഐ. തമ്പിയും ശ്രീനാരായണഗിരിയിലെ മുതിർന്ന അംഗങ്ങൾക്കുള്ള പൊന്നോണ സമ്മാനം ശ്രീനാരായണ സാംസ്‌കാരിക സമിതി ജില്ലാ പ്രസിഡന്റ് എൻ.കെ.ബൈജുവും വിതരണം ചെയ്യും.

ശ്രീനാരായണ സാംസ്‌കാരിക സമിതി ജില്ലാ വൈസ് പ്രസിഡന്റ് എം.എൻ.മോഹനൻ, എസ്.എൻ.ഡി.പി യോഗം 1587 ാം നമ്പർ തൃക്കാക്കര ശാഖ പ്രസിഡന്റ് വി.ടി.ഹരിദാസ്, 2831 ാം നമ്പർ പാലാരിവട്ടം ശാഖ സെക്രട്ടറി അഡ്വ. ശ്രീകുമാർ തട്ടാരത്ത്, ശ്രീനാരായണ സാംസ്കാരിക സമിതി ജില്ലാ സെക്രട്ടറി ദിലീപ് രാജ്, 4949 ാം നമ്പർ പടമുഗൾ ശാഖാ പ്രസിഡന്റ് കെ.കെ. നാരായണൻ, ട്രസ്‌റ്റ് വൈസ് ചെയർമാൻ വി.എസ്. സുരേഷ്, ഡയറക്‌ടർ ഡോ.രൺചന്ദ് എന്നിവർ പ്രസംഗിക്കും.